老上海餛飩舖 (已結業)

見到呢間新開嘅餛飩鋪，好似都幾吸引，平時lunch時間經過嘅時候，都好多人去食。佢門口貼住張下午茶由三點起，原本果日想食旺記，但旺記清潔冇開到，所以決定黎試下。下午茶送豆漿，叫左個韭菜鮮肉小餛飩15隻試下。見到姐姐佢地係到包餛飩，係自己人手包既。聽到廚房對話都係用普通話，唔通真係咁正宗。韭菜鮮肉小餛飩，皮薄但因為係小餛飩嘅關係，包嘅份量都唔係太多。湯都有少少既配料，有花生粒都幾香。最後，環境一般，但服務態度真心麻麻，唔只我一個受氣，對其他顧客都係咁。