影片
更多
2014-04-27
682 瀏覽
本人甚少出街食米線,以往食米線大多數都係去譚仔雲南米線,好多年前已經知道譚仔有o的舖係註明三哥,相信都係有關係,離不開親戚關係,又或者係以前伙計大廚另起爐灶建立新品牌以前都想支持一下三哥,奈何佢o既分店數目較少,而且又唔係本人出沒地方,無法讓本人分辨兩間米線專門店有乜野唔同地方近半年開始留意到譚仔三哥米線積極擴充分店數目,而且會o係對家舖位同區開新舖,甚至係附近開新舖添,藍田直頭玩到兩間一左一右開o係隔離,可見競爭相當激烈葵涌廣場分店o係三月底開張,真係估唔到商場重新規劃店舖後,可以3樓有呢個細舖位開米線專門店,琴日見自己有o的感冒,好似冇乜胃口,諗住食碗酸辣米線會精神o的,午餐就黎到呢間新開o既譚仔三哥米線去到見到大約10個客人等位,門口有部自助排隊機,想食米線就要去部機輸入等位人數,之後拎籌,不過我問企o係門口店員一個人要唔要拎籌等位,估唔到佢即時帶我入座,安排我坐o係一張圓枱最後一個座位,大家坐迫o的遷就下啦!我大概都知道自己想食乜,所以睇下餐牌價錢就落單,店員效率幾高,拎住部山寨版電子手帳,記低我要乜野,我叫左一碗酸辣湯底墨丸米線$27及一杯凍檸檬茶 (跟餐加$6)呢間舖一餸米
以前都想支持一下三哥,奈何佢o既分店數目較少,而且又唔係本人出沒地方,無法讓本人分辨兩間米線專門店有乜野唔同地方
近半年開始留意到譚仔三哥米線積極擴充分店數目,而且會o係對家舖位同區開新舖,甚至係附近開新舖添,藍田直頭玩到兩間一左一右開o係隔離,可見競爭相當激烈
葵涌廣場分店o係三月底開張,真係估唔到商場重新規劃店舖後,可以3樓有呢個細舖位開米線專門店,琴日見自己有o的感冒,好似冇乜胃口,諗住食碗酸辣米線會精神o的,午餐就黎到呢間新開o既譚仔三哥米線去到見到大約10個客人等位,門口有部自助排隊機,想食米線就要去部機輸入等位人數,之後拎籌,不過我問企o係門口店員一個人要唔要拎籌等位,估唔到佢即時帶我入座,安排我坐o係一張圓枱最後一個座位,大家坐迫o的遷就下啦!
我大概都知道自己想食乜,所以睇下餐牌價錢就落單,店員效率幾高,拎住部山寨版電子手帳,記低我要乜野,我叫左一碗酸辣湯底墨丸米線$27及一杯凍檸檬茶 (跟餐加$6)呢間舖一餸米線係$26,若果叫多款餸係加$5,選擇清湯湯底唔洗加錢,若果要酸辣,麻辣,或者煳辣湯底要加$1,選擇三哥酸辣湯底就要加$2
對於食物辣度o既追求,每個人標準可以相差好遠,有o的人少少辣都叫救命,有o的人就無辣不歡,甚至鍾意食成隻辣椒添,我食過好多品牌包裝即食麵,就算落晒成包湯粉都可以接受o個o的辣度,出街食酸辣米線,再配一杯凍飲係穩陣做法,唔怕辣到食唔落,以前食米線見過一個肥仔,叫左碗唔知乜野辣度米線,食左一兩啖就擰頭叫救命,埋單走人,真係浪費食物等候米線期間,留意下店內環境,雖然個舖位幾細,仲要用左一半面積做廚房,估唔到仲可以設置大約8張圓枱,每張枱都係圓櫈,有人認為餐廳安排冇椅背圓櫈係想食客快o的食完走人,咁樣容易翻枱做多o的生意,牆身係紅色,寫住 "無法複製的美味",似係令人覺得佢地同譚仔雲南米線有分別,兩者唔能夠混為一談,另外覺得譚仔三哥米線比較乾淨企理
等左大約5分鐘,米線就送到我張枱,再過多幾分鐘,我杯凍檸檬茶都整好
呢碗米線有幾多芽菜,酸菜及韭菜,另外有少少腐皮米線質地都算爽口,唔會太淋或者太硬
墨丸一碗有六粒,份量唔算少,好多舖頭食粉麵都係得四粒或者五粒,呢碗墨丸都幾彈牙
感覺上呢碗酸辣湯底o的湯比較濃,酸中帶微辣,就算唔飲凍飲都可以繼續食落去,當然有野飲係最好,酸酸辣辣好醒胃,食左令人精神o的至於凍檸檬茶絕對交足貨,估唔到有五,六塊檸檬咁多,仲要係切得唔薄,真係感恩! 而家檸檬幾貴,仲貴過橙,超級市場檸檬試過賣$5.5一個,而家好多茶餐廳o的檸檬茶都係慳住只落三片檸檬,若果落唔夠檸檬,味道真係冇咁鮮味唔好飲
留意到呢間譚仔三哥米線職員比較後生,亦都有男店員,唔似得譚仔雲南米線大多數係嬸嬸員工,店員見到客人食完米線就會好快行黎收碗及抹枱,算係幾勤力,另外覺得員工比較注重服務質素,食客無論係離座,抑或到收銀處俾錢,都會聽到店員講多謝好多人認為今時今日食米線算係平,其實都視乎同乜野比較,若果與車仔麵比較就真係唔平,食車仔麵係會平o的,而且差不多消費可以食多一,兩款餸,米線只不過用隻好大o既碗,落多o的湯,令人見到好滿足感覺
近年新移民及內地遊客多左,米線適合佢地北方人口味,所以市場就算有好多間米線專門店都一樣咁好生意留意到譚仔三哥米線將會推出全新口味砂砂湯底,賣點係平過及正過馬來喇沙,我諗遲o的都會試下,而家去比較大眾化o既土司工坊食碗叻沙都要$45,若果大約$30食到叻沙湯底真係相當唔錯
題外話/補充資料：
- 希望增設八達通付款
- 唔同地區分店價錢不同,好似銅鑼灣而家$29一餸清湯米線,再加款餸係$6,另外一年前深水埗係$23一餸清湯米線,再加款餸係$4
(以上食評乃用戶個人意見 , 並不代表OpenRice之觀點。)
張貼
