Cafe Charm's (已結業)

在朋友介紹下來到於西九龍廣場的一間小cafe。平時行街都好少上到好高層，今次第一次上高過五樓以上的地方，原來七樓都仲有好多小店，仲有一間景觀唔錯的cafe，可以比人hea一個下午!和朋友是lunch的時間去，所以lunch都有唔少人。店內lunch menu都有5,6種選擇，可能會比同區的價錢貴少少，不過都算坐得舒服！自家製蕃茄醬雞扒意粉($72) 是lunch menu入面店員都推介的，雞扒大大件，也有香草味，蕃茄醬又不會搶哂鏡。眼看好似好細碟不過都足夠一個女仔食！焗芝士洋蔥煙肉著皮 ($52)這個焗得比較乾身，不過勝在材料十分豐富，入面有好多焗到脆身的煙肉，真心正。咁多材料令整個薯皮不至於食到最後變到無哂味道，有三件食完都有少少飽肚。焗芝士煙肉大啡菇水煮蛋配薯條 ($62)我是大啡菇迷!!! 所以這個一定要點!! 啡菇十分juicy, 而且出奇地同水煮蛋好夾，兩者都係健康的選擇。雖然只係得兩件，但放心，都幾飽肚。因為面頭仲有好多芝士同煙肉，配菜的薯條炸過後哂上味粉，十分惹味！這個小食我都係第一次o係香港食到，認真非常特別，冇介紹錯！