辛安東元祖奶奶雞 (已結業)

香港雖然有李氏力場，但依然被韓風台風和風輪流爆炒。近期勢不可擋的，非韓風莫屬。單單尖沙咀一條婚紗街，眨眼間就變為韓食街，一條街五六間韓國餐館。荃灣最近亦多了好幾間韓國餐館，今日就去偏離旺區的328廣場。此處長期僻靜，好些食肆連番轉手結業，連銀龍都要大換細舖。有次路經，見晚市時段爆滿，所以今次特意一試。午餐有多個選擇，一個芝士雞肉石頭拌飯，在幻想中，已被拉起芝士的迷人景象吸引上。午餐包一份湯及一份前菜一食前菜就有驚喜，竟然係一碟醃青辣椒，雖未至於辣到噴火，但係前菜用有辣度的辣椒應該第一次試。不過只食到辣味，比較似一碟調味料，食一啖就放棄了。而我較欣賞個湯，雜菌麵豉湯，雜菌爽甜，湯清淡，沉底有麵豉碎，我對麵豉無研究，可能本身味淡，亦可能已經浸到出哂味。反正一個清淡的湯配辣係合我心水。至於主角芝士雞肉石頭拌飯，確實如我幻想的一樣，熱溶的mozzarella芝士柔軟有彈性，拉絲效果極盡邪惡。當然mozzarella只有視覺及口感的提升，香味芝味都不及其他芝士。切粒雞肉應該用左雞脾肉，爽彈唔乾，量不多，不夠睇面。飯辣，欠鹹味，無層次，軟硬度尚可。即使我的評語一般，但係整體感覺又異常OK，難以解釋