立鮨 (金馬倫廣場)

營業中

休息中

今日收工同另一半去了中環玩AIA的嘉年華，之後便出尖沙咀找吃的，鐵路上找不少選擇，最後決定一試立食壽司。等有位時可以選擇定心水壽司。師傅即做壽司，我們就企定定等食。先上吞拿魚，的確新鮮，雖然有點根。左口魚邊就一般。三文魚腩夠肥，甘香。鯛魚肉本身無咩味，要靠點醬料。帶子選火炙可以減少“漏”的感覺，不失肥美又可以帶點燒香味。三文魚盛合可以試晒多款三文魚做法，喜歡三文魚必點，當中中間的辣三文魚軍艦十分野味。最後三文魚籽手卷是小弟最喜歡的，豐富的三文魚籽的味道濃郁，絕對齒頰留香。立食適合時間緊缺而又想食到不錯食材的客人，價錢中上，份量偏少，店舖位置可容納12人左右，上菜算快，而且唔夠食可隨時加單，的確有點風味，今次只食了七八成飽，因為一心想過對面試食雞翼，所以留了點胃口，希望有緣再來立食。