馬場洞烤肉專門店 (新城市廣場三期) (已結業)

今日首次到這間餐廳用餐。正值午飯時間，有不少顧客堂食或購買外賣。然而，負責外賣收銀及帶客只由一名侍應負責，令食客等待時間增加。今次我哋見左兩個lunch set: 脊骨土豆鍋配飯及牛肉牛骨濃湯配飯。Lunch set 包含前菜三碟：除甘筍有少許腥味外，其他正常。等待上菜期間發現水杯斟水後有少量異物浮面，水杯唔係完全洗乾淨。脊骨土豆鍋配飯菜單話個湯係辣，但辣度可以接受。不過食落似係用辣油添加辣味，其實呢個set應該可以畀食客揀辣定唔辣。湯牛味濃郁，送飯唔錯。但湯中薯仔唔入味，又畀辣味同牛味掩蓋左味道，改用粉絲等較吸味嘅食材其實更好。侍應附上一個空碗用黎裝骨，非常貼心。牛肉牛骨濃湯配飯相對較淡，但用左牛腱肉，進食唔使拆骨，而且牛腱肉好有牛味。埋單時發現侍應出錯單，計多左十二蚊。侍應出餐落單方面有改善空間。