令和鍋物酒場

營業中

休息中

近排開始品嚐清酒🍶，比我發現左間幾抵食抵飲既酒匠Omakase，就係呢間尖沙咀～令和鍋物酒場～，即刻要去試試。餐廳真係稱得上酒場，無論酒瓶裝飾，清酒既儲量都好多好多。呢個Omakase，係5杯唔同口味既清酒，配唔種類既食物，好特別。榮光富士 X 前菜呢款清酒最易入口，夾埋前菜食可以帶你進入美食美酒既氛圍。前菜最鍾意食酒盜芝士🧀同和牛他他。 芝士香加上上面魚內臟漬物第一次食，餸酒一流。大納川 X 刺身 呢款清酒口感爽口，配住咁新鮮既鵰魚🐟、帆立貝、油甘魚，鮮味提升。鍋鳥 X 揚物呢款清酒口有洗刷味蕾既作用。揚物係南乳酪炸雞🐔同天婦羅。鰻魚野菜天婦羅，外層薄脆，鰻魚Juicy、秋葵鮮嫩。江戶開城 X 燒物煮物呢款清酒米味重，可以減底口腔油膩感，就可以繼續食串燒啦。厚厚鹽燒和牛舌、咸香既明太子免治雞肉棒子、 瀑汁汁煮沖繩五花腩🐷。天花 X 甜品呢款清酒果香重，同抹茶🍵蕨餅一齊食，一個完美既總結❤️。