濤 (已結業)

在堅尼地城尋找好食既日式料理，選擇不多，而＜濤＞在西環，已經算係老臣子，開左有好一段日子。對比十多年前至今，價格沒有相差很遠，今時今日佢哋既lunch set 同dinner set仲多左好多選擇，值得一讚。先來一個茶碗蒸，雖然我沒有吃，但小朋友吃得津津有味，看起來，蛋亦蒸得細滑，極速清碗，相信味道不錯。跟Lunch set 的前菜和湯，味道都不錯。豬軟骨拉麵是比較失望的，湯底味道太清，不夠濃郁，豬軟骨亦炆得不夠腍，味道帶清淡感，骨還是骨，完全沒有軟骨感，肉質偏鞋口感。下次再來，可以放棄此垃麵。跟拉麵定食配三文魚壽司，三文魚厚度適中，但末至於肥美，油脂不多，質素一般。角切三文魚什錦刺身丼，呢個刺身丼非常驚喜，刺身雖然切成小塊，但刺身份量好多，每一啖魚生飯入口，都可以享受到啖啖魚肉刺身，感覺非常滿足，值得一讚。鰻魚飯定食，鰻魚肉夠曬肥厚美味，魚肉入口彈牙，日本珍珠米飯夠綿密，吸收曬鰻魚汁，質素不錯。整體來講，餐廳的魚生刺身飯定食相對分數會較高，如果下次再來，可以再試下餐廳其它既刺身類定食。