拍板風味 (已結業)

由於早前喺網上見到何文田勝利道嘅「拍板風味」推出咗每日首10位人客可以享用到$80任食大閘蟹嘅優惠，所以我們一早預訂咗今晚去食！店員同我們講話大閘蟹幾種唔同嘅蒸法，有清蒸、藥膳花雕蒸、古法蒸同菊花蒸，我們始終都係鍾意清蒸，因其他嘅蒸法會掩蓋咗蟹嘅鮮味！除咗大閘蟹任食之外，仲有蟹粉水餃嘅餃皮都幾煙韌，入面嘅肉都幾鬆軟，尖椒皮蛋嘅味道就相當辣，生炒糯米飯炒得都幾乾身同埋有枝豆！最後仲有蕃薯糖水送同飲品任飲！另外！我們加叫咗招牌烤魚同田鷄，招牌烤魚我們揀咗清湯底，魚嘅肉質非常鮮甜嫩滑！田鷄相當肥美飽滿，肉質超結實彈牙，味道好鮮味！