Lava 燒

營業中

休息中

我個細妹最鍾意食香口嘢 ,今日我就帶佢嚟呢一間LAVA燒，佢一定鍾意，上次同朋友嚟食過之後，我都好回味，串燒都有好多款式選擇，今次我會試下其它唔同嘅食物。雞拼盤＄88一份裏面有孜然烤雞皮、川燒雞腎、彈燒雞乾、一試難忘、燒雞塊、雞免治 呢一個拼盤材料非常豐富，全隻雞都畀我哋食勻曬，雞皮甘香無比，脆卜卜，孜然香料令雞皮味道更出色。雞腎爽口彈牙，質感非常滋味。雞肝軟潤腍甜，還有一種幽幽香氣。一個雞patpat開始 你要有一鼓作氣去嘗試，食過後 你都會讚它冇改錯名，一試難忘。雞塊固之然好食，燒得香噴噴，肉質仍然軟滑鮮甜，汁液豐富。軟殼蟹半隻＄35 軟殼蟹製作巧手，鬆脆得嚟又柔軟兼備，調味恰到好處。脆米流心芝士波＄24 外皮鬆脆香口，內心軟綿綿，熱騰騰流心芝士醬源源充斥著你的口腔，好滋味。烤牛肉串＄16 牛肉味香濃惹味，肉汁豐富。燒墨魚咀＄20墨魚嘴軟腍潤滑，鮮味仍在。燒蘆筍串＄22 爽甜無比，新鮮口感咬下去聲音清脆。燒芝士粟米＄24 粟米同樣美味，濃香芝士夾著清甜粟米，不過不失。迷你咖喱薯餅＄14 咖哩辣味中和可口，薯蓉濃香撲鼻，脆口又蜜甜。燒玉子＄18清香日本雞蛋製作，玉子潤澤，甜美又軟滑。