威利華餐廳

營業中

休息中

今日係柴灣附近工作，來到這裡附近已經很肚餓了.... 所以也顧不得這麼多，見它那麼多人便進去吃吃吧，因為真的餓得肚子都扁了***環境當然一般啦，而且好鬼多人，我一個人都要同人搭檯一齊食，佢係keep住有好多客人出出入入，我見個個阿姐都做到無停手。佢有好多唔同既餐仲有幾個午餐，但都唔係好啱食，最後佢有另一個menu寫住菜飯，咁我就叫左個椒鹽雞翼菜飯再加杯咖啡啦。個個阿姐好好呀，佢話驚我杯野飲黎到凍哂，所以叫我等個飯黎左先再叫呀。等左一段時間終於都黎到啦，可能因為佢唔係預設既午餐啦，所以等既時間係比較耐的。唔好睇張相佢好似好細碟，D飯好似唔見左一角咁，其實係因為我叫左佢少飯呀! 明知食唔哂寧願叫佢少D啦，廢事浪費。成個飯都係偏向濃味左少少，好多蔥同蒜，當然非常惹味啦，但就會覺得佢鹹左少少同埋有少少油。但D雞翼好好食，好大隻，有三大隻咁多，佢個皮炸到好脆，而且有D華鹽，好好食，而且唔油膩呀。但可能個飯太濃味啦，原本佢係菜飯都唔係好覺啦，D菜既味道被遮蓋哂，如果佢淡返少少成個飯會再好食D!杯咖啡好滑，不過好似多左少少奶，變左個味好怪呀，好濃奶味，無左咖啡既苦澀味。都係個句「一試無妨」呀。