京城

營業中

休息中

京城店鋪好細間，坐得唔係咁舒服。我地更被安排坐門口隔離既位置，逼之餘又好凍。本人一向都好鐘意食餃子，特別係煎餃。所以叫左一碟煎餃，酸辣湯面同雞絲粉皮。雞絲粉皮個醬汁好好食，份量亦唔少，可惜粉面太厚，比較鞋口。酸辣湯面出奇地好味，辣同酸既比例調較得岩岩好，唔會遮掩到對方既味道面條口感亦很好，唔會太淋。好味過好多出名既店鋪。煎餃先係主角，有羊肉餃同三鮮餃。餃子煎得好金黃，好香口。餃皮厚左少少，有啲唔熟。2種餃既餡料都好惹味，不過味道有啲相似。店員無同我地講邊隻係邊款餃子，外表又分唔到，搞到成日食唔到另一款