飯丸屋 (D2 Place TWO) (已結業)

早幾日同朋友一樣返工收早，約埋去D2 Place睇下手作，因為5點半仲早，我地想食D野，之後夜少少再食晚餐，行過見到飯團賣相好吸引，所以一人叫左一個餐試下😋呢排我因為減肥，愛上左食菇，我叫左松露炒菇飯團，朋友就叫左明太子干貝酥飯團。我地兩個比飯團嘅飯量嚇親，飯量足而材料豐富，要一口咬哂所有餡料係好有難度，而且因為即叫即整，埋口食仲係熱辣辣！飯團用左越光米，而松露菇炒到好香同好有松露味，配埋甜甜地嘅沙律醬食，味道都幾夾！而干貝酥上配上燒過嘅明太子醬，香味撲鼻，干貝酥炸得外脆內軟，明太子醬充滿鹹香。兩個飯團都配上玉子燒同午餐肉，玉子燒滿有蛋香同嫩滑，加埋午餐肉配搭好好！另外，我地仲叫左兩個小食，分別係麻薯波波同咖哩可樂餅，麻薯波波係炸嘅蕃薯同紫薯丸子，好煙韌同實在，絕對唔係空心，而可樂餅就不過不失，個人覺得咖哩味可再重D。食左甘多野，當然要試返杯胚芽豆漿同黑芝麻豆漿，兩杯豆漿嘅外形細少而可愛，胚芽有咬口，豆味好濃，甜度岩岩好！而黑芝麻豆漿就好香黑芝麻味，聽朋友講好似飲緊芝麻糊，鐘意食黑芝麻嘅朋友不妨試下。我地都被豆漿嘅外形呃左，飲完都真係好飽，又食左大大個飯團，果晚無再食晚餐😜😜