孖寶去骨海南雞 (Go Go Mall)

營業中

休息中

成日都無乜idea食乜好，今日行左去新墟個頭望下有乜好食，行行下見到呢間專賣海南雞飯既鋪頭，而且餐牌都幾多其他選擇，就入左去試。雖然咁多選擇，最後都係叫左招牌海南雞飯套餐。先講湯同油飯，今日係南瓜湯，幾好飲，飲到好大陣南瓜味，入面有少少蘿蔔同南瓜，不過啲南瓜肉幾乎溶哂係湯入面。如果佢有少少南瓜肉係入面就更好啦！油飯好香！！！唔點任何汁食都覺得好香口。雞肉唔腥，又夠嫩滑，肥瘦好適中，唔會有好大舊肥膏係到，但係又唔會瘦到完全無油，口感唔錯。不過本身應該無落到其他味，要點佢個醬汁食。個餐仲有碟油菜，顏色好靚好新鮮！62蚊套餐，有老火湯，雞，油飯，油菜，其實都幾抵。不過唔包飲品，如果想飲野既話就要另外加錢，熱飲4蚊，凍飲6蚊，合理範圍。