吃吧 (僑建大廈)

營業中

休息中

最近又發掘咗一間高質多國菜餐廳，就係位處於旺角嘅依間樓上餐廳「吃吧」，不論食物定還是飲品都幾滿意。*此餐廳收取加一服務費。伊比利亞煙燻豬架（單點$228），職員打開玻璃鐘罩之後，空氣中瀰漫着蘋果木煙燻味道，豬架表面鋪有香草、番荽碎，豬架全部已經起骨，肉質半肥瘦，口感嫩滑，肉味濃厚，配菜包括有櫻桃蘿蔔、芒果莎莎、薯蓉、西蘭花。泰式蝦沙律杯（單點$128），表面鋪有蒜片、辣椒，虎蝦肉質肥美，口感爽口，食落好新鮮，配以泰式青辣椒汁、泰式紅辣椒汁食用，味道酸辣。燒花魚一夜干（單點$128），花魚開邊對半燒製，魚皮部份口感香脆，魚肉表面充滿油光，肉質肥美，食落油脂味濃，略嫌帶有細骨，配以檸檬汁、青檸汁食用，味道清爽。香草白酒芝士藍青口配法包（單點$128），內有迷迭香，藍青口肉質飽滿，味道鮮甜，熱溶芝士份量多，拉絲效果突出，味道濃郁，白酒味道淡香，配以蒜蓉香草牛油法包食用，味道更佳。焦糖蜂蜜奶昔 （單點$68），表面鋪滿焦糖爆谷，口感香脆，奶昔口感濃稠，蜂蜜掛杯，味道香甜。Happy Happy Happy “Cat”（單點$68）， 採用熱情果汁、青檸汁、菠蘿汁、紅莓汁、梳打水製作，味道酸甜。