興記菜館

營業中

休息中

今日因為要趕D資料比個客，遲左落班，費事屋企人等我就打算自己落班去街行揾食啦。行到街聞到一陣煲仔飯嘅味，就淋起興記煲仔飯，好耐未食過了，叫個朋友出來一齊食啦。嚟呢度当然要点佢地嘅煲仔饭啦，我比较中意呢个腊肠滑鸡煲仔饭，做得比較正宗，双拼可以食到两种口味，滑鸡做得比较好，蒸得刚刚够时间，好滑，腊肠我都好中意，瘦肉多肥肉少，煲仔饭当然要食埋个底，呢个先系精货，做得好香脆。炒花甲就感觉一般，无咩特别，但都不过不失，味道还可以，中意食海鲜嘅朋友仔可以试。椒盐濑尿蝦，做得都算唔錯，蒜頭炸得好香，味道都幾好，不過分量唔大。煎蠔餅嚟到就一定要試，料足，好多蠔肉，又新鮮，煎得又香口，調味又適合，總之就系好好食啦。