您的冰室 (已結業)

平時經過您的冰室嘅時間都係食早餐或常餐，有次見到人地食呢個蔥油雞扒飯餐覺得好香，今次好肚餓決定試一試巜蔥油雞扒煎蛋飯》，個餐包咗熱飲一杯，叫咗熱奶茶，餐茶先上！奶茶好重奶，都好飲！等咗幾分鐘個飯都好快到，煎蛋特別叫咗個熟蛋，其實可以揀太陽蛋，但我個肚受唔到，炸雞扒有好香嘅美極鮮醬油味😋，將蔥油同飯攪勻一齊食令整碟都有好香嘅蔥油香味，鍾意食蔥嘅人，一定覺得好開胃！對女性來講，份量算多呀！埋單冇加一，實收$45！