影片
更多
2023-08-06
298 瀏覽
我老婆大人好鍾意食黑松露，近嚟比我𥄫到間餐廳做緊黑松露餐價錢又唔貴！咁就趁得閒同佢去撐吓枱腳啦！就係呢間好方便我哋嘅Cafe Deco Pizzeria圓方店，上次同老婆大人嚟食過下午茶又平又抵，所以呢個黑松露二人套餐我覺得應該會好掂。呢晚想飲酒就嗌咗一杯House Wine嘆吓！呢隻係Canyon Oaks Cabernet Sauvignon, California, United States，入口係好輕盈嘅水果香味單寧唔會好重用嚟配肉類好夾。呢個黑松露二人餐總共有六個菜咁多仲有每人一杯嘢飲，不過啲嘢食真係多得太過分我同老婆大人兩個根本食唔晒！第一樣嚟嘅係雜菜沙律面頭有一片片新鮮黑松露好矜貴，加埋啲沙律菜好爽口呢個沙律唔錯喎。跟住我哋每人有一碗鮮奶泡沫松露蘑菇湯不過我要隊一碗半！因為實在太大碗老婆大人飲咗半碗之後就送咗俾我，佢係有勁濃嘅蘑菇味而且仲好滑好飲呀。如果鍾意食薯條嘅人見到呢個松露芝士薯條一定會瘋狂，因為佢炸得又香又脆真係好鬼好食㗎。跟住呢個烤牛骨髓伴紅酒牛肋黑松露我可以獨霸佢，因為係我老婆大人唔食嘅牛嚟！整到香噴噴嘅牛骨髓上面有好多入味嘅紅酒牛肋肉絲，仲有新鮮黑松露同埋
就係呢間好方便我哋嘅Cafe Deco Pizzeria圓方店，上次同老婆大人嚟食過下午茶又平又抵，所以呢個黑松露二人套餐我覺得應該會好掂。
呢晚想飲酒就嗌咗一杯House Wine嘆吓！呢隻係Canyon Oaks Cabernet Sauvignon, California, United States，入口係好輕盈嘅水果香味單寧唔會好重用嚟配肉類好夾。
呢個黑松露二人餐總共有六個菜咁多仲有每人一杯嘢飲，不過啲嘢食真係多得太過分我同老婆大人兩個根本食唔晒！第一樣嚟嘅係雜菜沙律面頭有一片片新鮮黑松露好矜貴，加埋啲沙律菜好爽口呢個沙律唔錯喎。
跟住我哋每人有一碗鮮奶泡沫松露蘑菇湯不過我要隊一碗半！因為實在太大碗老婆大人飲咗半碗之後就送咗俾我，佢係有勁濃嘅蘑菇味而且仲好滑好飲呀。
如果鍾意食薯條嘅人見到呢個松露芝士薯條一定會瘋狂，因為佢炸得又香又脆真係好鬼好食㗎。
跟住呢個烤牛骨髓伴紅酒牛肋黑松露我可以獨霸佢，因為係我老婆大人唔食嘅牛嚟！
整到香噴噴嘅牛骨髓上面有好多入味嘅紅酒牛肋肉絲，仲有新鮮黑松露同埋羊肚菌，加埋啲洋蔥醬食落去好甘香撞鬼咁好味。
大家話呢個薄餅有冇可能兩個人食得晒吖！呢個係正常size嘅黑松露火腿簿餅勁大個囉！呢度嘅薄餅係即嗌即整所以嚟到一定係熱辣辣，一上枱好香嘅黑松露味係咁飄埋鼻哥道！食落去餅底香脆得嚟好煙靭，不過真係冇辦法食唔晒囉！
其中一個原因係仲有個黑松露煙肉忌廉芝士意粉未食呀大佬！
老婆大人就最鍾意食意大利粉，呢個有佢最鍾意嘅黑松露所以佢食得好滿意，只要佢滿意我就會好開心㗎喇。
最後額外嗌咗個意大利雪糕，因為呢道嘅雪糕可以引到唔食甜嘅老婆大人金口大開！揀咗佢最鍾意嘅朱古力味確實真係好鬼香滑同埋濃郁，唔怪得知次次都食到佢舔舔脷啦。
Cafe Deco Pizzeria電話：21968099
地址：尖沙咀柯士甸道西1號ELEMENTS圓方火區2樓2133號舖
張貼
