喜樂餐飲.教室 (已搬遷) 新店位置

成日去找餐廳吃午餐，附近的都食過了，今次就來了這間，入到去好多公仔好似屋企，餐牌選擇都多，價錢有平有貴但都是七十多元都，今次叫了一個叫自家意式香草醬鮮蝦蘑菇意粉，在餐湯沙律和飲品選擇了飲品，凍檸檬茶加了三元凍飲錢，共六十一元。凍檸檬茶來到味道都不錯又不會太甜夠大杯，意粉來到比心目中漂亮，仲有片多士，多士都夠但如果有微溫就更好，意粉好香口感不錯，但實在太多醬食多點偏咸同油身，菇都不少，但實在太重口味食了大半就叫不到，份量以女仔來講都夠食，沙律來到是薯仔沙律，醬汁都不錯入面有洋蔥增加不少香味惹味，和薯仔味道都幾夾，份量都夠一人食。炸魚漢堡的炸魚都幾香細件少少但都可以，但味道感覺有點梳打粉的味就一般，魚肉都比較薄身，麵包都軟熟，醬汁似沙律的醬汁，仲有生菜和蕃茄。薯條份量多點會更好，都夠脆口薯仔味幾香，食完都幾飽肚，而且都坐得都幾舒服。