影片
更多
2021-02-26
1091 瀏覽
米芝蓮一星嘅味道會係咩呢？New Punjab Club雖然位置偏僻，但平時去之前最好都要book位，確保入座。入到去，餐廳嘅裝潢同燈光都偏暗色系，雖然我未去過印度，但都可以用充滿異國風情嚟形容入邊嘅風格😼會比依種花生作前菜，鹹香配上青檸汁，香口得嚟唔會太膩但建議唔好食太多，同埋食完記得飲水，等自己ready食返正宗印度菜嘅味道🤤1）KEEMA PAU $188 🌕🌕🌕🌕🌗Spiced Mutton, milk buns, crisps potatoes一上菜首先會比兩個Milk Bun吸引🍞麵包嘅外層烤到脆卜卜，但塊皮唔會好厚，一撕開個包，裏面係超級軟熟。至於Spiced Mutton，作為好怕羊騷味嘅人，我竟然完全唔覺得佢難接受，反而佢嘅香料可以勾到佢嘅肉味出嚟。建議食嘅時候要撕開個包，放曬mutton、脆條、洋蔥上去，再唧啲青檸汁，食到肉香之餘，亦都可以享受到開胃嘅配料，配埋外脆內軟嘅milk bun，10分鐘應該食曬🤫注意羊肉有啲微辣🌶2）TANDOORI COBIA $298 🌕🌕🌕🌗🌑Line-caught cobia, smoked tomato & samphire c
New Punjab Club雖然位置偏僻，
但平時去之前最好都要book位，確保入座。
入到去，餐廳嘅裝潢同燈光都偏暗色系，
雖然我未去過印度，
但都可以用充滿異國風情嚟形容入邊嘅風格😼
會比依種花生作前菜，鹹香配上青檸汁，香口得嚟唔會太膩
但建議唔好食太多，同埋食完記得飲水，等自己ready食返正宗印度菜嘅味道🤤
1）KEEMA PAU $188 🌕🌕🌕🌕🌗
Spiced Mutton, milk buns, crisps potatoes
一上菜首先會比兩個Milk Bun吸引🍞
麵包嘅外層烤到脆卜卜，但塊皮唔會好厚，
一撕開個包，裏面係超級軟熟。
至於Spiced Mutton，作為好怕羊騷味嘅人，
我竟然完全唔覺得佢難接受，
反而佢嘅香料可以勾到佢嘅肉味出嚟。
建議食嘅時候要撕開個包，放曬mutton、脆條、洋蔥上去，再唧啲青檸汁，
食到肉香之餘，亦都可以享受到開胃嘅配料，
配埋外脆內軟嘅milk bun，10分鐘應該食曬🤫
注意羊肉有啲微辣🌶
2）TANDOORI COBIA $298 🌕🌕🌕🌗🌑
Line-caught cobia, smoked tomato & samphire chutney
Cobia係海鱺科魚，同曹魚係朋友，
所以肉質屬於比較柔嫩嘅種類。
魚皮烤到卜卜脆，食嘅時候都係一樣要唧青檸汁上去啊！
隔離嘅蕃茄酸辣醬汁係偏酸甜，唔算有辣味，
建議大家可以一塊魚齋唧青檸汁食，
另一塊點蕃茄汁食😉
但坦白講依個菜式未去到值呢個價錢，整體感覺係一碟above average少少嘅烤魚啊😳
因為mutton同埋番茄醬到最後都仲有淨，所以我叫咗Butter Naan去一齊食埋佢～
鍾意脆香口味多啲嘅朋友可以叫Roti（煎餅）！
最後亦order咗一個是日甜品，大概就係焦糖醬+雲呢拿雪糕+朱古力布甸蛋糕，
價錢忘記了，但味道偏甜，
建議可以兩個人一齊share～
整體來講我會依間係一間好食嘅餐廳，
裏面員工嘅服務態度、餐廳裝潢、環境衛生都值得比高分，
價錢的確係偏貴，不過某程度上都呼應咗佢米芝蓮一星嘅level🌟
喜歡探索exotic food嘅朋友可以一試呢！
New Punjab Club
味道：🌕🌕🌕🌕🌑
價錢：🌕🌗🌑🌑🌑
環境：🌕🌕🌕🌕🌗
張貼
