影片
更多
2018-06-15
186 瀏覽
食社企為乜？為咗支持佢哋展開新生？雖然都好鼓勵大家了解吓唔同嘅NGO，但又唔洗吓吓搬咩大道理出嚟—社企餐廳永遠係質素嘅保證！用心經營就係幫襯嘅原因。社企餐廳要啲時間上軌道，一開始質素未必真係可以同專業泰菜齊名，但就一定會不斷改進。店員按菜式類型逐一呈上，保證食客入口嘅都係絕對新鮮熱辣。扎肉沙律鹹咗少少，但扎肉量好多。迷你小食拼盤有春卷、魚餅、蝦餅。春卷皮脆得嚟唔油，油溫控制得啱啱好。餡料滿滿，唔點醬都夠晒味~魚餅幾彈牙，但香料味可以再濃啲。蝦餅好彈牙，炸皮好薄，卜卜脆~~然後就到我極力推薦嘅冬陰海鮮湯喇！！單看色澤已贏一半。冬陰如果清澈就一定係唔夠椰奶，唔夠橙就係唔夠蕃茄......呢碗一望就知冇慳料！有青口又有大蝦，幾足料。落重香料，未飲就聞到陣陣香茅、青檸味，一飲就係蕃茄酸溜溜嘅滋味，然後就係海鮮嘅鮮味，下嚥後留有椰香餘韻。辣椒膏炒青口用上新鮮大隻嘅青口，炒完仲有少少海水味，亦唔會有沙或帶腥味。甜品—黑白糯米配泰國芒果亦係必試之選。黑糯米帶甜，較有咬口；白糯米帶微鹹，較黏糯，兩者1:1互補不足，平衡出冇得彈嘅芒果糯米飯~連埋甜甜酸酸嘅靚芒一齊食，一啖匯合多種滋味同質感，正！
社企餐廳要啲時間上軌道，一開始質素未必真係可以同專業泰菜齊名，但就一定會不斷改進。
店員按菜式類型逐一呈上，保證食客入口嘅都係絕對新鮮熱辣。
扎肉沙律鹹咗少少，但扎肉量好多。
泰式扎肉沙律
$68
2 瀏覽
0 讚好
0 留言
迷你小食拼盤有春卷、魚餅、蝦餅。
迷你泰式小食拼盤
$118
4 瀏覽
0 讚好
0 留言
春卷皮脆得嚟唔油，油溫控制得啱啱好。餡料滿滿，唔點醬都夠晒味~
魚餅幾彈牙，但香料味可以再濃啲。
蝦餅好彈牙，炸皮好薄，卜卜脆~~
然後就到我極力推薦嘅冬陰海鮮湯喇！！
冬陰海鮮湯
$88
2 瀏覽
0 讚好
0 留言
有青口又有大蝦，幾足料。
落重香料，未飲就聞到陣陣香茅、青檸味，一飲就係蕃茄酸溜溜嘅滋味，然後就係海鮮嘅鮮味，下嚥後留有椰香餘韻。
辣椒膏炒青口用上新鮮大隻嘅青口，炒完仲有少少海水味，亦唔會有沙或帶腥味。
辣椒膏炒青口
$108
2 瀏覽
0 讚好
0 留言
甜品—黑白糯米配泰國芒果亦係必試之選。
黑白糯米飯配泰國鮮芒果
$58
3 瀏覽
0 讚好
0 留言
黑糯米帶甜，較有咬口；白糯米帶微鹹，較黏糯，兩者1:1互補不足，平衡出冇得彈嘅芒果糯米飯~
連埋甜甜酸酸嘅靚芒一齊食，一啖匯合多種滋味同質感，正！
張貼
