不要對我尖叫，日常茶間， (中環大廈) (已結業)

食完午餐，行返去ifc嘅路都唔短，熱辣辣飲杯凍野消下暑，次次經過都見到呢間野飲店有好多人買，今次就試下佢嘅季節野飲，通常我都鍾意試限定嘅野飲。香柚荔枝水果茶(少甜|少冰) $24本身荔枝野飲都主要係靠糖漿調味，所以見到製作過程主要落premix嘅香柚荔枝果汁一d都唔意外，杯中有一兩片香柚。飲落感覺冇咩負擔，但係香柚、荔枝同茶嘅層次唔夠出，唔算伏，但味道更似錫蘭檸檬茶，整體都清爽消暑嘅。今次未有試加配料，有機會可以試下夾唔夾。