滋潤棧 (已結業)

今日第二次幫"親"呢間野，今日見到d地方唔係咁乾淨，想即刻閃，但係又好似唔係幾好意思咁，諗住求奇食完就閃啦。點左過香檳葡萄($15)，嘩，勁好味/抵食。佢個底係黑糯米，但係我怕太甜，改做涼粉，上面有d刨冰及練乃，睇落去好似好普通咁。最精彩就係個葡萄汁及提子乾，呢隻葡萄汁好似曾相識，細路仔時飲過呢隻味，唔識形容，絕對唔係藥水味，好正。加上佢用乾冰伴住上碟，視連覺都可以享受。下次一定會再去，試下其他味道，但係環境就真係要攪攪佢啦！