影片
更多
2021-12-13
1291 瀏覽
今日專登同朋友黎到上環試下哩間餐廳既CBD下午茶🫖店舖設計走自然風，四周有啲綠色植物，一入店舖已經聞到令人舒緩既香薰味，旁邊有一排貨架放滿唔同類型既香薰、香薰機、香薰口罩貼等產品。店舖仲提供唔同既花環比客人打卡📸️✨仙子樂園 x CBD 下午茶 每位$298🔮餐前會有抽卡小遊戲，先抽一張magic card，之後香薰師會比我地係金、木、水、火、土五種精油中揀選自己鍾意既味道，滴落之前既magic card上面，而magic card係可以帶走既。下午茶最特別嘅地方就係喺食物同茶入面加入左CBD大麻二酚，可以幫助我地放鬆心情同改善睡眠質素💕🌸水果乳酪天使杯入面有朵威化餅整成既玫瑰花🌹原味乳酪味道醇厚，配上唔同既果仁、乾果同燕麥片，口感豐富，健康又好味。🌸蝴蝶飛舞杯杯入面有迷你法式三文治同瑪德琳蛋糕，三文治細細粒，都幾香脆，而貝殼狀既蛋糕充滿牛油香，造型靚靚既蝴蝶威化餅亦可以食用🦋🌸法國 CBD 朱古力蛋糕朱古力蛋糕濃郁，而且甜度適中，層面加上開心果碎，重點係仲加上CBD，非常特別。🌸新豬肉牛角包新豬肉係素食，其實食落去感覺同真豬肉分別唔大，但係又會健康啲，而牛角包亦夠酥脆。🌸英式鬆餅配玫瑰
✨仙子樂園 x CBD 下午茶 每位$298
🔮餐前會有抽卡小遊戲，先抽一張magic card，之後香薰師會比我地係金、木、水、火、土五種精油中揀選自己鍾意既味道，滴落之前既magic card上面，而magic card係可以帶走既。
下午茶最特別嘅地方就係喺食物同茶入面加入左CBD大麻二酚，可以幫助我地放鬆心情同改善睡眠質素💕
🌸水果乳酪天使杯
入面有朵威化餅整成既玫瑰花🌹原味乳酪味道醇厚，配上唔同既果仁、乾果同燕麥片，口感豐富，健康又好味。
🌸蝴蝶飛舞杯
杯入面有迷你法式三文治同瑪德琳蛋糕，
三文治細細粒，都幾香脆，而貝殼狀既蛋糕充滿牛油香，造型靚靚既蝴蝶威化餅亦可以食用🦋
🌸法國 CBD 朱古力蛋糕
朱古力蛋糕濃郁，而且甜度適中，層面加上開心果碎，重點係仲加上CBD，非常特別。
🌸新豬肉牛角包
新豬肉係素食，其實食落去感覺同真豬肉分別唔大，但係又會健康啲，而牛角包亦夠酥脆。
🌸英式鬆餅配玫瑰醬
英式鬆餅唔係軟身個種，入口酥脆，而玫瑰醬充滿玫瑰清香。
🍵雲雨香茶（CBD 有機菠蘿椰子茶）
係椰子茶滴入CBD，茶上面再放上棉花糖雲，熱茶既蒸汽令棉花糖融化，落入茶中，所以叫雲雨香茶，茶味香醇，入口微甜。
整體黎講，餐廳無論係環境定食物都令人覺得好放鬆同舒適，真係幾適合繁忙既香港人，亦係一個非常特別既體驗。
張貼
