寶寶雞煲 (已搬遷) 新店位置

之前見過旺角有間寶寶雞煲，原來太子都有分店！入咗左先知原來除咗奇味雞煲係乾撈，其他雞煲都係有湯的！今次叫咗半隻奇味雞煲，有好多配料，洋蔥、芫荽、辣椒等等，越食越香，而且辣味夠，越食越開胃！食完雞煲後，係時候叫侍應加湯落火鍋料！墨魚滑圓轆轆大大嚿，彈牙新鮮，必叫！美國桶蠔，上枱已經好香蠔味，夠大隻！雜菇有香菇、金菇同雞髀菇，菇類吸唒啲湯汁，非常滑口好味！馬尾粉絲第一次試，份量好多，粉絲條條分明，彈牙有咬口！新腐竹，唔會太韌咬唔開，滾一陣就食得！大檸樂超級大杯， $32差不多！