大麥牛肉麵 (已結業)

同老友去完大館，跟住去左西環搵地方食dinner。見到呢間牛肉麵，主打食自家製蕎麥麵，未見過，價錢又幾抵，就入去試下。我同老友都叫牛肉麵，不過我就叫蕎麥麵，佢叫普通麵，大家都叫香辣，佢就走芫茜。我個碗蕎麥麵勁香蕎麥味，連湯底都好濃蕎麥味，麵質較粗，因為蕎麥比例高，食落比較粗糙啲，但相對老友個碗就無咁辣。佢個碗無左蕎麥味，湯飲落去辣啲，麵質滑啲。兩碗湯底各有特色，都好香濃。食完一啲口渴都無👍🏻證明佢真係無味精。牛腱炆得好入味，牛味香濃，有四塊，如果再腍啲會更好。重有舊紅燒蘿蔔，好甜無渣👍🏻半隻蛋滷水拼盤既一樣。小食叫左涼伴青瓜同滷水拼盤，青瓜香而不太辣，好啱呢啲熱辣辣既天氣食，消暑一流！滷水拼盤既無乜滷水味，可以再入味啲更好。雞翼同雞槌炆到好腍，輕易就lun到啲骨！滷水味相對入味過蛋，唔會太鹹。野飲老友叫左雪碧，我叫左杯桂花薄荷酸梅湯，酸味主要黎自洛神花同山楂，帶有淡淡桂花香，意外地好飲！