大麥牛肉麵 (已結業)

好失望嘅外賣自取！第一次食係food panda，印象好好 好好味。所以先諗住食第二次。點知一次外賣自取仲衰過food panda叫。。湯麵分開本身都無事，但個湯比得三分一放完個麵湯都過唔到一半。啲麵仲難食，一放入口散嘅！好似今朝煮好放到夜晚咁。我外賣返屋企點都快過food panda，個湯都係暖嘅。一句講晒失哂信心 失望失望同失望！短期內都唔會揀堂食，外賣85折但又要搞到咁差點會有下次。我諗老闆要反醒下先得

今日想食碗牛肉麵，就去左大麥牛肉麵食個lunch，裝修都好好體，有幾幅梵高噶畫掛系度，都幾有feel，坐落都好舒服。我就點左個招牌紅燒牛肉蕎麥面，高湯系用牛骨熬制噶，好鮮甜，而蕎麥面都幾有口感，紅燒牛肉好好味啊，份量都幾足下，好惹味！

小店既牛肉麵有酸菜，一塊蘿蔔，半隻滷雞蛋，4片牛展。當然要有酸菜先稱得上一碗合格既台灣牛肉麵。一碗招牌紅燒牛肉麵，一碗招牌紅燒牛肉蕎麥麵。紅燒湯底(辣),濃郁一啲唔油膩，我都相信係冇落味精，真材實料，因為飲晒啲湯之後都冇覺得口渴。蕎麥麵比較粗身，食到有麥味，估唔到蕎麥麵都配搭得到台灣風味。欣賞小店的辣，唔係落辣椒油或者醬去配搭，而係用花椒去烹調，唔會令湯底多油，辣味真係滲入湯中，不過辣度唔強烈，老闆娘仲另外比多一碗充滿花椒嘅湯底。老闆娘有禮貌而且又有笑容，睇其他飲食文章知道老闆娘曾經係台灣留學，學習過台灣廚藝，暫時係我係食過最有台灣味道既牛肉麵，亦都係我最滿意。由於係小店，人手唔會太多，大家要耐心等候。

平時台式牛肉麵就食得多但係牛肉蕎麥麵真係好少聽呢度既麵係主打自己整嘅個麵食落蕎麥味係幾出架（btw追求彈牙嘅就叫返麵條 之前試過係幾彈牙)湯底都幾清甜但如果份量多啲就好啦牛肉係用牛𦟌 有啲薄同埋唔夠多食落有少少韌不過可以接受的仲有老闆娘態度好好 學生仲有優惠添會再黎幫襯

今日黎到位於西環的小店：大麥牛肉麵細細間，位唔算好多，好睇今日係平日就唔使等太耐🥰🥰黎到就梗係要試佢個牛肉麵喇，有傳統粗麵外，佢仲有蕎麥麵同夏日限定的冷麵，今日就一於試下佢個蕎麥麵喇❗️麵餐本身加$10 就有兩隻雞翼同一盒檸檬茶，雞翼就不過不失，都幾入味主角出場喇❗️佢內裡的配料好豐富，有蛋，牛展，蘿蔔同生菜等，湯底本身有好濃的牛肉味，食得出係煲左好耐，再加上佢獨特的辣味，唔覺意就飲曬d湯佢蕎麥麵同日本食到的唔同，比較滑同彈牙，配合湯底一流牛展本身切得好薄同好入味，好好食🥰🥰整體而言，呢個牛肉麵係誠意之作，絕對值得黎食

今日eatmug9 #62作為一個香港人本土小店係需要大家支持今日同一眾香港人行完街之後行下行下就嚟咗依間台式小店紅燒牛肉蕎麥麵(辣)賣相唔錯 配料擺得好full生菜 溏心蛋 蘿蔔 酸蘿蔔成碗麵都好juicy 特別要留意係湯底明顯冇落味精👍同出面大集團嘅機械式湯底唔同☠️味道唔濃之餘令人想飲晒佢同埋最估唔到嘅係件蘿蔔😍“淆”到入晒味 腍得嚟唔爛唯獨係份蕎麥麵有少少散豆腐皮蛋依份豆腐首先選材係用百福豆腐質感一定有係滑一滑先再配上肉鬆 口感豐富咗就不在講味道唔會太濃 清清淡淡當做前菜小食都係唔錯嘅選擇最後係依杯酸梅汁老闆娘話係秘製必試👅果然冇推介錯依杯比出面嘅淡少少 同埋面頭少少桂花香之餘再吊咗少少甜味入去係有驚喜嘅👍同埋老闆娘好好客同溫柔相信係香港人所講嘅人情味希望香港人支持本土 唔好畀依份情懷消失

今天下班和友人相約去西環見面談心，然而友人加班以致我自己一人早到，唯有在街巷中來回穿插以消磨時間。雙腿在街上胡亂行走，走到後街的一條小路，低頭滑手機之間，眼角瞄到和四周格格不入的小店，抬頭始發現是一家台灣料理店，於是就決定試一試。店內坐位雖不多，以白色為主磚牆風格的牆身配以向店外的落地大玻璃，反而令人感到空間相當寛敞。店家以牛肉麵作主要菜式，並有其他牛肉料理和台式小吃。待朋友到達後，我們點牛肉麵,滷肉飯，涼伴青瓜和酸梅湯。先來的是涼伴青瓜，冰冷的青瓜塊清爽多汁，沒有一般青瓜的草青味，改配淡淡的酸辣汁，開胃無比。飲品的凍酸梅湯一上桌已有驚喜，酸梅湯內竟有原粒酸梅，喝下後更出乎意料的好喝。酸梅湯味道清甜醇厚，有淡淡的桂花香，但沒其他酸梅湯有的那種藥味，和涼伴青瓜相配，在這悶熱的晚上令人胃口大開。作為主角的是紅燒牛肉麵和滷肉飯。紅燒牛肉麵的牛肉用上了牛展，牛肉軟腍入味，蕎麥麵是店家自制，和市販的不同，有手製蕎麥麵特有的顆粒感，而72小時熬製牛骨高湯是整碗麵的靈魂所在，香濃的湯汁把碗內的元素融合成一體，十分回味。滷肉飯的肉滷得很入味,大顆且口感豐富的滷肉配上冬菇，好吃。

今日又黎食牛肉麵，因為最近黎多左，同老闆都friend底左。今日佢仲請我試食佢地快將推出既新品 - 原條牛腱厚切MAX，叫我比下意見。一聽個名就莫名興奮，碗麵上枱我直情嘩一聲。原條牛腱份量已經好有睇頭，咬落去好明顯唔係用嫩肉粉“那“出黎o個種口感。而係肉質嫩得黎，仲好有彈性，尤其係d筋位，真係入口即化。未食完我已經比左電話老闆，要佢正式推出時記得通知我。

今日同女朋友嚟到西環石塘咀想間小店食晚餐，我哋就發現咗一間小店係食台灣野嘅。店舖雖小但係五臟俱全，我哋叫咗個招牌紅燒牛肉麵，招牌紅燒牛肉蕎麥麵，一個滷水拼盤，同埋一個皮蛋豆腐。呢度嘅麵條係店家自製、不含防腐劑非常健康，湯底味道濃郁，麵條亦都軟硬適中。配上彈牙牛肉，令到成碗面都非常吸引，好食！滷水拼盤亦都非常入味，送面一流👍🏼皮蛋豆腐通型剔透，配上肉鬆同埋蔥，特別有台灣風味，好開胃好好味。最後，每個顧客嚟到都可以獲贈一杯桂花薄荷酸梅湯薄荷再帶點甜貼，喺夏天飲非常暢快。

今日就去咗香港大學上堂之後, 就經過地鐵站, 再行返出去石塘咀覓食搵到間牛肉麵麵店, 諗起好耐都冇食過台式牛肉麵呀, 就入去食啦環境又非常之清新, 老闆娘非常親切經過佢介紹之下, 我就食咗個牛肉麵, 另外再叫咗一杯嘢飲添酸梅湯, 飲落去就有花嘅香味, 酸甜度岩岩好, 容易入口之餘, 仲非常之解渴牛肉麵, 麵條非常之q彈 ,爽口, 仲非常之掛湯添! 湯頭飲落去非常之香濃嘅五香味道 之後再食過牛肉非常之香, 再加啲蔥花調調味, 仲有一個半熟嘅蛋添, 非常之香滑, 入口即溶

我一直都好支持小店嘅, 不似一般連鎖店, 小店比較有個性, 今日經過 石塘咀, 見到有間牛肉麵店, 諗起好耐都冇食過牛肉麵, 就一於去食啦一直食牛肉麵都係白身既扁面, 但係今日有個特別嘅, 就係可以配上蕎麥麵, 就一於試一試牛肉就係用咗金錢展, 咬落去非常之有五香嘅味道, 份量都不少, 佢嘅麵底非常之爽口, 彈牙, 比一般嘅牛肉麵更加彈牙. 湯底清甜冇味精, 不錯不錯。另外再點咗個酸梅湯, 有一粒粒桂花嘅TOPPING, 仲有原粒話梅, 味道清香, 飲落去非常之清新, 飲完成個人精神曬

之前路過想試，今日見時間尚早，襯唔多人試下，因為小店通常人手短缺，製作需時，要耐心等候紅燒牛肉麵$56，呢排有幾聲咳，唔食辣，麵底幾正，好彈牙，麵粉香就冇乜，但係我好鍾意呢個口感，條菜同埋半隻滷蛋冇特別，紅燒牛肉用左牛輾，薄薄的四小片，都炆得腍，又未至於炆到筋位起膠，但係就入味，仲有一舊白蘿蔔，味清，但係唔甜，配料除左有芫荽蔥，仲有出過水嘅鹹酸菜，風味獨特，一定要讚下個湯，食完唔口渴，留喺口內嘅係一股清甜，以前食牛肉麵從未試過，莫非係鹹酸菜嘅功勞？如果份量多啲會開心啲冷氣唔夠

今晚約咗個係大學返學嘅朋友食飯，佢話唔想去咁遠，所以就佢喺香港大學站附近食個飯。佢帶咗我嚟lee間食牛肉麵嘅舖頭。餐廳感覺有啲似家庭式嘅小店，地方唔大，座位唔多。第一次嚟，揀咗個牛肉麵同埋小食試下。睇到門口嘅海報，知道佢哋嘅麵係自家製嘅，所以食落特別煙韌。湯底有啲似台灣牛肉麵嘅味道，有少少辣，味道好濃，啲麵吸收曬湯嘅味道，所以食喺上嚟每一啖都充斥住牛肉湯嘅味道。牛展味道亦好濃，喺香港都好少食到呢個味道嘅牛肉麵。小食就嗌咗個滷水拼盤，有蛋有雞翼，雞翼雖然冇好濃嘅滷水味，但係肉質幾嫩滑。雞蛋仲係有少少流心嗰隻。喺附近返學嘅朋友真係有口福，可以食到咁好味嘅牛肉麵。

因為有事要到西環一轉，難得到大學站又夜了便在附近找吃。這邊小店挺多，剛看見一間裝潢都很清新的台灣料理店，就起了興致入去試試看。裡頭的感覺很清新舒適，店雖小但不會覺得很狹隘侷促。處處都覺得店家很用心，令人覺得很自在。店裡的款式不算多，兩款麵兩款飯，來到時雞腿飯已沒了，便點了款牛肉蕎麥麵及台灣很有名的滷肉飯。另外點了兩杯酸梅湯$10，酸梅湯很清新好喝，加正桂花感覺又帶點清香。挺開胃解暑。先來個牛肉蕎麥麵$58，湯底不會咸，味道濃度適中，且加了不少酸菜。牛𦟌很入味，質感爽而不會煮得老，麵有很香的蕎麥味，口感挺彈口很不錯，力推這麵。古早滷肉便當$53，味道也不會太濃，裡頭可吃出很清香的八角花椒，份量尚可很足料對女生足夠有餘。不會喝完覺渴，很健康的煮法。滷水拼盤$38有雞蛋、雞腿與雞翼。味道跟古早便當一樣，入味偏清新不會太咸的味道。這店很家庭式的溫馨小店，價錢地道味道也不錯。附近的人來吃飯是不錯選擇。

今晚友人放工後帶我搭叮叮去西環行下，行海旁之前都要餐下肚既，所以就黎到呢間食牛肉麵的餐廳試試。餐廳座位不多，牆上掛有類似梵高的畫作，幾簡潔。自行在點餐紙畫好後，可以俾店員落單。招牌紅燒牛肉蕎麥麵($58)，平時食台灣牛肉麵，通常麵底都係台式的粗麵，呢度可以有蕎麥麵食幾特別。蕎麥麵跟平時日式那款不同，這裡的蕎麥麵較粗身，而且口感煙韌。這裡的湯底是熬製72小時的牛骨高湯，再配有中藥材料而成的，所以味道非常濃郁，而且帶有少少辣味，非常惹味!牛展厚薄適中，味道濃郁。除了有牛展之外，還有生菜、蛋、白蘿蔔等配料，口感非常豐富。皮蛋豆腐($26)，雖然是百福豆腐，但是味道都不錯!醬汁酸酸甜甜，味道頗開胃。桂花薄荷酸梅湯(+$10)，點麵食可以加$10便可以試到這款飲品。飲落好有薄荷的味道，酸酸甜甜，開胃又消滯!這些小店要多D支持呢，而且他們的麵和湯都是自家製，沒有味精，真的不錯呢!