泓一拉麵

營業中

休息中

由佢啱啱開冇咩人排隊，到而家大排長龍。近期再加開太子分店，作為熟客倍感安慰。估唔到喺日本食過嘅虹吸做法嘅拉麵都有，自家製麵條喺重點，拉麵沾麵都正。湯嘅溫度一定夠熱，麵一定冇鹼水味，蛋一定有蛋味同流心，每件事都做到剛剛好。沾麵汁凍咗可以加熱，細心過韓國暖男。食咗兩次雞二郞限定店員就認得我，記性好過Chat GPT。希望嚟緊會有多啲新限定，有返雞白湯同魚介沾麵就好。十八區分店都有一間。泓一作為香港世一絕不為過。