水門雞飯 (汀角路) (已結業)

平時會揀雞飯，今次揀左🔹水門三寶雞飯$62🐔個雞唔洗講，同係泰國食到既一樣，配埋個汁，真係好似去左水門咁。唯一係鍾意食有骨既雞既朋友可能就會有少少嫌棄，皆因雞飯既雞肉主要係雞脾同雞胸。🔸冬陰公粉絲 $54🦐至於個冬陰公粉絲，首先個湯就夠熱，有時食到的湯面個湯唔夠熱就冇癮，呢度既湯就夠晒熱。傳統口味，對香港人黎講可能有少少辣，但鍾意食辣既我就覺得剛剛好。魚片同牛丸都係我每次黎食必揀既配料，因為的牛丸細細粒，但好有牛味，魚片又切得夠厚，唔會太腥。🔹龍眼冰🍹 $18除左呢兩樣食物，我仲點左龍眼冰，正常味道，食完辣野飲返杯冰凍既龍眼冰，感覺非常良好。至於店舖環境方面，首先檯櫈就跟足泰國特色，全不銹鋼台登。檯與檯之間都有預留充裕的空間，全店坐滿都唔算好迫。💬建議避免午餐晚餐時間去食，因為都會排晒大隊。