影片
更多
2016-05-23
412 瀏覽
地方細細, 只有5張檯, 環境清靜闊落, 終於BOOK到位一試大廚Mark Wong的廚藝. 佢煮得一手傳統西班牙菜色, 於是約埋三五知己一齊黎試下.小食 – 酸橄欖 及 蒜汁薯仔等緊朋友黎, 已經奉上2小碟, 淡淡的蒜汁沙律醬拌入薯仔粒. 橄欖有2種, 青欖和黑欖, 味道差不多, 只是口感大個較軟, 一個較硬, 有酸酸的口感.另外小食還有, 在薄法包上搽上凍的蕃茄蒜蓉醬, 蕃茄蒜蓉醬晶瑩透明的, 有輕輕的蒜香, 帶清新的口感, 可惜多士有點浸淋, 如果脆口更好.Starter – Grilled Cuttle Fish with Green Allioli Foam睇落以為係薯仔, 原來係墨魚, 切成CUBE SIZE炒香, 墨魚岩岩好熟, 完全無overcook, 一D根都無! 另外配上打成氣泡的蕃茜蒜蓉醬, 彈牙又大粒的墨魚再沾上又輕又綿的醬汁, 口感更有層次.醬汁只帶點點蒜味, 不會過濃!頭盤 – Garlic Shrimp 橄欖油炒蒜片蝦滾滾的橄欖油上有炒香左的蒜片及海蝦. 超級的香噴噴!!!雖然好似係滾油入面, 蝦肉仍然無overcook, 新鮮彈牙, 食落亦不覺得油膩.頭
小食 – 酸橄欖 及 蒜汁薯仔
等緊朋友黎, 已經奉上2小碟, 淡淡的蒜汁沙律醬拌入薯仔粒. 橄欖有2種, 青欖和黑欖, 味道差不多, 只是口感大個較軟, 一個較硬, 有酸酸的口感.
另外小食還有, 在薄法包上搽上凍的蕃茄蒜蓉醬, 蕃茄蒜蓉醬晶瑩透明的, 有輕輕的蒜香, 帶清新的口感, 可惜多士有點浸淋, 如果脆口更好.
Starter – Grilled Cuttle Fish with Green Allioli Foam睇落以為係薯仔, 原來係墨魚, 切成CUBE SIZE炒香, 墨魚岩岩好熟, 完全無overcook, 一D根都無! 另外配上打成氣泡的蕃茜蒜蓉醬, 彈牙又大粒的墨魚再沾上又輕又綿的醬汁, 口感更有層次.醬汁只帶點點蒜味, 不會過濃!
頭盤 – Garlic Shrimp 橄欖油炒蒜片蝦滾滾的橄欖油上有炒香左的蒜片及海蝦. 超級的香噴噴!!!
雖然好似係滾油入面, 蝦肉仍然無overcook, 新鮮彈牙, 食落亦不覺得油膩.
頭盤 – Portobello Mushroom Benedict 烤大啡菇水波蛋水波蛋放於已烤的大啡菇上, 再輕輕焗過, 下面還有火箭菜及藍莓汁, 層層疊起後, 輕輕切開, 蛋汁慢慢流出來, 大啡菇非常JUICY, 蛋汁好香, 藍莓汁配上大啡菇更美味. 食落口一言難盡, 超級都好味!!! 全部朋友頓時鴉雀無聲, 大家都沈醉於水波蛋中.
湯 - Wild Mushroom Soup用蘑菇打碎, 仍然有一粒粒的蘑菇粒, TOPPING係蛋白MOUSSE及少少黑松露油, 把3樣攪拌後, 讓黑松露把蘑菇味帶出來, 粒粒的口感, 慢慢散出蘑菇香氣, 整體味道較淡一點.
中場小食 - Mix-fruit Sherbet雜莓雪葩用雜莓製成的冰砂, 上面放了$一粒黑醋魚子, 非常清新, 通常用於兩道菜之間, 作為清除味蕾餘味及去油膩感覺之用, 果然整個口腔都煥然一新, READY FOR NEXT DISHES!!
主菜 - Black Rice with Red King Prawn 墨魚汁海鮮飯配西班牙紅蝦一隻手掌甘長的西班牙紅蝦, 被譽為世界上最好吃的蝦, 居於西班牙深海2000米, 切開蝦頭已經流出蝦膏, 蝦肉鮮甜, 比較”淋”的. 帶子及魷魚圈十分新鮮, 帶子鮮甜, 魷魚圈彈牙. 原來墨魚汁飯入面都有粒粒魷魚切粒, 差唔多啖啖都有添!
主菜 - Chicken with Pepper熱燙燙的鐵碟內, 用橄欖油炒香了的3色椒及煙肉放底, 半隻春雞放頂再焗過. 再配上牛油果乳酪蕃茄醬
店員介紹要連埋下面的3色椒 一齊食, 味道會BALANCE 些. 春雞好厚肉亦鬆化, 皮薄肉香, 牛油果乳酪蕃茄醬味道較清新. 用黎平衡肉的油膩感十分好.
來到最後的甜品環節 – 有2款可選, Catalan Cream或Egg Flan with Citrus Strawberry SauceCatalan Cream係西班牙傳統甜點, 外表同焦糖燉蛋無分別, 表面有燒溶了的黃糖, 十分脆, 下面的蛋食落極之軟滑, 帶有檸檬香味. 店員過蛋係無焗過架, 我估係蒸的.
Egg Flan with Citrus Strawberry Sauce就係焗焦糖蛋白, 切成厚度約1CM的, 表面淋上察過的士多啤梨汁.店員說材料只有蛋白, 奶及焦糖, 食落口感極似CHEESE CAKE!! 滑滑的, 濃郁奶香味, 加上酸酸的士多啤梨汁, 十分醒胃, 亦為此晚餐劃上完美句號!
2位大廚馬不停蹄為4檯客人準備晚餐, 每碟都有驚喜! 店員亦會為大家介紹各個美食/食材及食法, 真係好抵食!
張貼
