牛丼家

營業中

休息中

一向都有食開齊柏林嘅熱狗，前排知道佢喺旺角開左間牛肉飯嘅專門店一直都想試，今日下午趁去開旺角，咁就當然要去然牛丼屋食返個下午茶啦。佢位於盛世酒店嘅1樓同2樓，位置非常之大，能夠容納好多客人，枱與枱之間有唔少空間，感覺十分舒適。一場嚟到就當然要試下佢嘅牛魔王飯啦，身為芝士控嘅我二話不說就揀咗佢嘅《雙重芝士牛魔王飯》，另外叫左個《照燒雞扒飯》。小食方面就有炸雞同埋出面未見過嘅公仔魚。先講講塊和牛漢堡扒，油香十足而且肉味香濃，大量嘅芝士令到食起上嚟更濃郁更有層次。而跟飯嘅牛魔王汁撈飯食真係十分正。照燒雞扒十分之嫩滑，而且份量十分之多，絕對超值。兩款炸物小食都十分香口，同時肉嫩多汁。最特別就一定係個公仔魚，坊間十分少見。一啖一條咁食，真係好想飲返杯啤酒😂。每套餐仲包左1杯野飲，真係物超所值。