影片
更多
2020-08-07
376 瀏覽
宜家喺灣仔翻工，之前睇過杜汶澤介紹過尼個無餐單料理，所以就試下佢嘅廚師法辦，叫Winter on Fire（有冇人睇左嗰套紀錄片😭）。上openrice book定有一送一優惠，計翻$780 一個人。尼間同市面上大部分omakase 唔同，佢比較似fusion 菜，有好多種熟食我地所以就加左200蚊，想試多啲刺身。⠀⠀⠀⠀⠀⠀⠀⠀⠀Welcoming drink—— 金菠蘿用個好cute 嘅樽仔裝住，入面其實就係菠蘿冰。除左菠蘿汁同菠蘿肉，佢加左少少酒，幾開胃。⠀⠀⠀⠀⠀⠀⠀⠀⠀前菜—— 沙律配梅子醬同牛油果牛油果用梅紙包住，生菜上面就有啲梅子醬。同啲生菜好脆口，好新鮮。梅子醬就偏酸，但係加埋牛油果，就唔會好漏同避免啲醬搶曬啲味。⠀⠀⠀⠀⠀⠀⠀⠀⠀煙燻鴨胸肉配鵪鶉蛋用個雪糕筒蓋住，一揭起有啲煙出，好靚。聞落去好香，有少少木香味。鵪鶉蛋好入味，連蛋黃都有淡淡嘅醬油味，但又唔會好搶味。鴨胸肉個皮微微烤過，微脆，同肉質唔鞋，好食。⠀⠀⠀⠀⠀⠀⠀⠀⠀刺身我地好鐘意刺身，所以就再加$200，由六種變成十二種刺身。我覺得係超值，因為啲刺身好高質，而廚師刀法超好（真係好勁，又快又靚）。⠀⠀⠀⠀⠀⠀⠀
⠀⠀⠀⠀⠀⠀⠀⠀⠀
Welcoming drink—— 金菠蘿
用個好cute 嘅樽仔裝住，入面其實就係菠蘿冰。除左菠蘿汁同菠蘿肉，佢加左少少酒，幾開胃。
⠀⠀⠀⠀⠀⠀⠀⠀⠀
前菜—— 沙律配梅子醬同牛油果
牛油果用梅紙包住，生菜上面就有啲梅子醬。同啲生菜好脆口，好新鮮。梅子醬就偏酸，但係加埋牛油果，就唔會好漏同避免啲醬搶曬啲味。
⠀⠀⠀⠀⠀⠀⠀⠀⠀
煙燻鴨胸肉配鵪鶉蛋
用個雪糕筒蓋住，一揭起有啲煙出，好靚。聞落去好香，有少少木香味。鵪鶉蛋好入味，連蛋黃都有淡淡嘅醬油味，但又唔會好搶味。鴨胸肉個皮微微烤過，微脆，同肉質唔鞋，好食。
⠀⠀⠀⠀⠀⠀⠀⠀⠀
刺身
我地好鐘意刺身，所以就再加$200，由六種變成十二種刺身。我覺得係超值，因為啲刺身好高質，而廚師刀法超好（真係好勁，又快又靚）。
⠀⠀⠀⠀⠀⠀⠀⠀⠀
魷魚
我平日少食魷魚，印象麻麻，但尼個真係好好食。上面好簡單咁淨係加左啲芝麻，廚師將魷魚切成一條條絲，勁嘅係每條粗幼幾乎一樣，口感豐富。魷魚呈奶白色，即係佢好新鮮同肉唔會好扎實，一啲腥臭都冇。少少黏口，甜甜地，好食。
鰹魚
首先，好香，有種鮮醬油嘅味。上面加左啲薑芽同菊花瓣，好靚。食落口，油脂味濃，腍身同好滑，唔錯。
蜜柑鯛
廚師話尼隻魚好得意，因為佢係食蜜柑皮大，所以咬落去有清香嘅橘味。尼隻魚喺香港少見，平日好貴，今次有機會試真係好正。廚師提我地千祈唔好點醬油同芥末，幾香，唔會好濁，咬落有油香味。但係有少少根，有啲啲可惜。
左口魚
絕對係最愛之一 ❤️❤️
加左啲蘿蔔絲同醋，最特別係底部加左魚嘅胃，層次係好豐富。好香嘅魚油，鮮味甘香，但醋就平衡翻油膩嘅感覺。真係好好好好好食😋
深海池魚
深海池魚同池魚唔同，係兩個品種。魚邊切開左啲啲，入口就有深海魚嗰種油香味，鮮甜同滑身
𣲙魚（？）
尼隻魚叫「冰魚」，但係三點水嗰冰。我唔肯定有冇寫錯🙈 尼隻魚比較「粉」，我覺得比較普通，冇乜特別咁
老人家
隻魚係叫老人家😂
爽身，尤其是個皮，咬落去唔算好油，同之前食嗰啲分別幾大
金目鯛
口感分明，魚皮好特別因為係一格格咁。佢唔算好油，但係好鮮甜，好食
牡丹蝦
又係最愛至一❤️
廚師話食到濃味可以點蝦膏，我覺得個蝦膏好正，係有少少籽喺入面，同唔苦。個蝦好正，脆口但滑，鮮甜，肯定好新鮮
伊佐木
火炙過嘅皮，脆脆地兼微苦，好得意。尼隻係夏天當造嘅魚，鮮甜彈牙，但係加埋脆嘅皮就好特別，唔錯
帆立貝
用紫菜夾住個帆立貝，我覺得塊紫菜大左啲😂 帆立貝上面加左少少七味粉，好快咁燒過下，所以就有啲辣同鹹，但帆立貝肉質鮮甜，好好食
拖羅
壓軸登場嘅係拖羅，唔洗多介紹係咩啦，只可以話入口油香味濃，既邪惡又夢幻😇 魚油喺口滲啲又滲啲，好好食。佢上面用切成絲嘅大葉，令我自我感覺良好啲😂
真係好好食
海鮮湯
佢用蒸餾咖啡嘅方式煲，吸收曬湯料嘅精華。碗入面舊啫喱有元貝同蜆，倒左啲湯入去溶左啲，但鮮味十足。
最特別嘅係啲順菜，佢好似有層啫喱喺外面，好得意幾好食
「牛肉乾」—— 牛脷
佢上面有層米紙，食得嘅😂
牛脷好食，我好欣賞係佢肥瘦均等，一層肥一層瘦。肥嗰度就係近乎入口即溶（雖然我知好肥），但真係好食。而個汁甜而不膩，幾夾舊肉。
「泥土」—— 魚溶
對於唔食辣嘅我就覺得有啲辣，啲魚溶就加左啲魚生，例如吞拿魚咁。同有啲食用泥做伴碟，幾得意🌻
「獅子山下」—— 馬友魚配芝麻豆腐
作為90後，望住碟上面嘅歌詞，好感慨⋯⋯ 燒過嘅馬友魚，脆口，唔會煎過龍。再加自家製嘅芝麻豆腐，芝麻味同豆味都好濃，佢質感比較似日式杏仁豆腐，好好食
⠀⠀⠀⠀⠀⠀⠀⠀⠀
「粽」—— 三文魚加咸蛋
因為前排係端午節，所以就用粽葉包住食物。佢係韓燒概念，好香。用菜包住燒過嘅三文魚係表面熟，入面好滑，同油香味十足。而佢再加左咸蛋，對我黎講咸左啲啲，但好彩有菜平衝翻啲😀
⠀⠀⠀⠀⠀⠀⠀⠀⠀
魚蝦蟹
炸過嘅蝦毛配上啲膏，好好食。雖然係油炸，但係唔會好油。而加左啲梅子醬（用吹波膠咁包住）就變得好清新，甜味平衡翻蝦膏嘅咸味。
⠀⠀⠀⠀⠀⠀⠀⠀⠀
吞拿魚手卷
唔係拖羅，所以就唔會好肥好多油。相反，係舊魚比較滑身但仍然好甘香。入面加左啲芥末，令成件手卷好清新。
⠀⠀⠀⠀⠀⠀⠀⠀⠀
啫喱
砌成Lego 嘅啫喱，冇乜特別😂
⠀⠀⠀⠀⠀⠀⠀⠀⠀
甜品—— 寒天加柚子汁
我唔記得影相😭😭😭
真係好好食⋯⋯ 寒天好清新，唔會腍pak pak⋯⋯ 再點柚子汁，我本身怕酸，但尼個唔算酸，甜甜地，同有果肉喺入面。最後我飲曬成杯柚子汁
⠀⠀⠀⠀⠀⠀⠀⠀⠀
結論
我睇過網上評價話佢壽司或刺身唔夠，如果冇加200蚊的確係咁，但我覺得加左錢就好抵食。而佢同其他omakase 唔同，係有得玩同食，所以好得意。
嗰晚隔離枱有另一枱客，同店主好熟，話因為嚟過幾次，今次又再帶朋友上嚟食。佢話尼間omakase 比其他好食同高質，同重點係好有心搞。香港大部分omakase 都係日本人主理，難得係香港人開同主理，又可以同我分享下政見、對未來嘅盼望，真係一個好開心同滿足嘅夜晚。
大家繼續加油💛
⠀⠀⠀⠀⠀⠀⠀⠀⠀
5 瀏覽
0 讚好
0 留言
張貼
