緬泰皇宮

營業中

休息中

有時經過都見入面好多人，但都未試過，今次終於係行完山之後過黎試下。咁啱係午飯時間，等左一陣就有位。我叫左個午市套餐，泰色雞肉炒金邊粉連飲品都係42蚊，凍飲仲要好似唔洗加錢。呢碟炒金邊粉比起出面食過既都算多料，有雞肉、魚條、蛋絲、芽菜同蔥，旁邊仲有一堆花生。味道唔錯，擠埋青檸汁就更清香！自己食哂成碟！好滿足！另外仲叫左個泰式炸蝦餅，蝦餅大件又厚身，肉質夠彈牙，食落感覺唔算太油膩。而且仲非常熱辣辣添！食既時候一定要點一點個甜酸醬！味道會更佳。