鮨政 (已結業)

✨刺身定食✨✨吞拿魚丼定食✨午市定食好扺食，已經包左沙律、茶碗蒸同麵豉湯！所以都幾抵食㗎 ！我自己就叫咗刺身定食，我男朋友就叫咗吞拿魚丼定食，兩個都鮮味十足。刺身定食入邊有幾款唔同類型嘅刺身，例如赤蝦、三文魚、帶子、油甘魚、同埋拖羅。我自己最鍾意就係帶子，真係好似喺日本食咁鮮甜。我男朋友嗰個吞拿魚丼定食即係有幾塊唔同部位厚切嘅吞拿魚。佢啦，佢覺得最深色嘅嗰一款刺身魚片係最好食。我自己覺得佢個茶碗蒸同埋麵豉湯都幾好味，茶碗蒸雞蛋好滑。麵豉湯唔會太鹹。今次呢個午餐，我覺得可以再encore！