牛一 (利港商場) (已搬遷) 新店位置

難得入去香港仔探朋友，天氣涼涼地本身諗住食稻香。點知上到去見到新開的牛一，而且唔需要等8點半已經任食，當然係選擇牛一啦。今次我地選擇左極上美國牛肉加豚肉，豚肉質地一般，但美國牛比起一般肥牛更有肉味，而且唔會鞋口，2個人最後食左6大碟，已經覺得值回票價。除左肉類外仲有個擺得好精緻的自助bar,有好多唔同種類的食品，最特別係出奇地多疏菜，而且屬於一般少見的。而食完野食，仲有自助雪糕機，有兩款唔同口味，特別推介好立克味雪糕，因為出面好難好到，仲有十幾種唔同配料可加，鐘意食雪糕的一定要試啊。