皇玥餅藝 (已搬遷) 新店位置

今日去完厚福街，過隔離加連威老道見到一間充滿香港情懷風格，而又融合典雅新派裝潢的餅店，門口廣告板話係之前半島酒店受歡迎的流心月餅創辦人—葉永華師父和米芝蓮二星師父黎永冠先生有份開👍🏻 好似好正咁👏🏻入去門口有個打卡位，重現舊式香港餅店～間舖俾人試食蛋捲同餅，店員又會從旁講解，我先知道葉師父監工出品，放咗咁多心機，將老香港造餅工藝加心思去改良，用意都係想保留港式餅藝，傳承本土餅藝+手信文化。食咗先知味～乜都可以試食，蛋捲味道頗特別，黑松露味、香草蕃茄、櫻花蝦、椰汁，連原味都好出色，入口香脆鬆化，試得出用料上乘，冇偷工減料！而蜂巢蛋捲、蝴蝶酥都用上等牛油和天然食材，是師父對手工質素和「香港出品」的堅持，好難得本地終於有間似様手信店！據店員說，大熱的流心月餅之後就出，十分期待上架！•推介原因：包裝靚、得體，味道上佳！