串本屋 (已結業)

今日約咗多年無見嘅小學同學見面，而佢住喺柯士甸，佢最後帶咗我去佢食開嘅呢間親民居酒屋，日式蓋飯最平$58就有，真係好抵😍。環境方面，位置唔算多只有五張枱。一坐低職員就送上免費小食🥰- 豚肉腩片雜菜鍋湯底好清甜，唔會飲完好口渴。豬肉片幾新鮮，配料非常豐富，包括芝士竹輪、金針菇、年糕福袋、娃娃菜同粉絲。- 清酒煮蜆雖然煮法簡單，但每次去居酒屋都會叫清酒煮蜆🤣。Sake為肥美嘅蜆肉添一份淡淡酒香，食完非常暖胃。- 醬汁燒豆腐串豆腐外皮焦脆，內裡仍然嫩滑，配上甜味醬汁令豆香味更突出，不過略嫌醬汁有啲多。- 雞肉串四色套餐雞肉串套餐一共有四種味道，包括梅子醬、明太子醬、蘿蔔蓉同辣汁芝士。- 免治雞肉棒三色套餐包括原味、明太子醬同蘿蔔蓉酸桔梗汁。三款味道各有特色，食得出雞肉同雞軟骨比例恰到好處，呢度既免治雞肉棒係我食過最好食嘅頭三名👍🏻- 燒元貝元貝幾甜，肉質鮮嫩，唔會燒到好老。另外元貝上面加咗蒜蓉一齊燒，味道更加惹味😋- 明太子燒飯團飯團同我女朋友拳頭咁大👊🏻，飯團口感焦脆，入面有大量明太子，明太子獨有嘅鹹香味好正🤩- 巨峰乳酸梳打味道唔算太甜，仲要好大杯👍🏻總括而言，以上所有食物都好抵食，唔怪