串王之王 - 正宗成都串串火鍋 (已結業)

星期日想食邊爐就睇下有咩特別既試試，見有間叫串串就心癢癢想試。間野行中國風仲有自助調料區，有香蔥、莞茜、醬油、蒜蓉、花椒碎、花生碎等等。可以因應個人口味自行調一個岩自己既secret sauce!連圍裙都好毛主席feel有大陸探x feel呢個任食120分鐘既串串邊爐每位$248，送一客小食，我就叫咗煉奶糍粑，外面香脆得黎有煉奶既甜味，入面都軟糯煙韌，幾好味。自助巴應有盡有，有基本既丸類、腸類，菜類仲有一d風味串串，好似蔥蒜牛肉咁。另外仲有大陸常見既蓮藕、鴨血、豆皮、水尤、黑牛柏葉、海帶等等。食料都fill得幾快。但個地方都幾淺笮,d人出出入入要小心d。叫咗一個鴛鴦鍋:番茄(左)、麻辣(右)，番茄湯夠濃郁唔會淡，而麻辣就叫咗微辣因爲真係會愈煮愈辣滾起來吧！數下戰積先，其實幾有成就感。串串一串唔會好多可以拎多幾串，因應自己既食量，唔會浪費食物好耐無見到王老吉喇，仲有其他既紙包野飲，全部都係任飲既。因為個湯底愈食愈辣最後好似都飲咗3包，個肚好漲。