恆河咖喱餐廳 (已結業)

2個人，叫左一個set ，白汁羊肉配飯(唔係好記得個名)+蕃茄湯+青蘋果冰沙(轉餐飲品+$10)，再點左個腰果咖喱雞同芝士拷餅。羊肉3件幾淋，唔會好臊，好味。咖喱雞只得2件(會唔會少左d?)，冇腰果味，唔通真係放幾粒腰果就算? 但味道都唔錯既，而且係烤雞幾香口。青蘋果冰沙，我就覺得太甜，友人就覺得太酸。蕃茄湯，味道有點鹹又帶點酸，怪怪地，唔多欣賞(可能都係飲慣菜湯)。芝士烤餅唔錯，不過芝士味再重d就更加好。上一次可能係老闆娘招呼，所以服務好好，今次上左2樓，另一位男侍應就麻麻地，差唔多食晒d野，都未上個飯，人客又唔算多。※價錢原本可以接受，但每碟肉都只得2、3件實在太少，咁計法真覺得唔抵了。