老港情懷 (已結業)

一入去見到啲裝修好特別，有懷舊feel。老火湯底：每日有兩款選擇。我地今次揀左椰子雞。一打開個煲蓋，好香椰子味呀！我不嬲都好鍾意飲湯，所以打邊爐之前，我都飲左兩碗先牛皇拼盤：好豐富呀！有一口牛、牛柏葉、牛骨髓、牛肚、肥牛。新鮮，有牛味。啲肥牛淥30秒左右就食。入口即溶。牛柏葉同牛肚都好爽，洗得乾淨日本廣島蠔：都算幾大隻，肥美，脹卜卜。食落都有陣鮮味炸美國桶蠔：朋友超鍾意食蠔，所以要試埋呢個炸蠔。都唔錯喎。粉唔會太厚，食到好大粒蠔。當然就係打邊爐果種蠔鮮味啲喇黑豚肉片、豚肉五花腩：肉食怪！兩種豚肉都好香。當然五花腩就更加有種肥香味喇！肉質幾好，唔會太韌豬肚：爽口彈牙！我好鍾意呢種有口感嘅食物！唔會有陣豬味，好乾淨總括黎講，係唔錯嘅新嘗試！下次可以同多啲friends 黎再打過，試下其他湯！