香港地 (已結業)

3人行食下茶餐廳小菜先～ 可能比較早都冇咩人唔洗等位叫咗個精選二人小菜套餐$165～有：兩個餸、兩碗白飯同香港地原味靚湯跟餐有成大煲靚湯～日日唔同～飲落唔會好咸好味精～好有屋企煲湯feel小菜七選一：簡咗柱候枝竹牛筋腩煲炆得好入味～牛腩同牛筋都算大舊～枝竹都唔會煮到爛晒～分量嚟講都算可以二選一：可以揀香妃雞或者豉汁蒸倉魚～簡咗紅蔥頭醬油香妃雞～香妃雞食落好入味～肉質淋～份量適中少辣XO醬鮮魷煲～鮮魷煮得剛好唔會過火～不過通菜有D生～醬偏鹹但食落好嘢味