京都勝牛 (Tower 535) (已結業)

前幾日去咗銅鑼灣行街買聖誕禮物，行完sogo 出嚟，已經好肚餓，睇吓附近有咩好食，見到世貿隔離有橦好新新嘅寫字樓Tower 535，由地庫至三樓都係餐廳。我地去咗地庫，見到有一間「京都和牛」專門食吉列既日本餐廳好似幾吸引咁，咁就決定入去醫肚😋入到去，見到裝修好和風，掛咗d充滿和風嘅畫丶旗丶字畫等，搞到好似去咗日本咁😍我哋叫咗一份鹿兒島A4黑毛和牛西冷套餐同埋一份特選海產套餐，而每一份套餐都會配搭一碗味噌湯丶一碗麥飯同埋椰菜沙律鹿兒島A4黑毛和牛西冷，一拎起就見到啲肉勁粉嫩粉嫩，啲炸粉有好薄，外皮食落口好鬆脆，內裡嘅和牛入口即溶，超好味😍😍另外，店話因為呢個和牛係3至5成熟，如果想食再熟啲嘅話，佢可以提供一個烤爐俾我哋自己燒嚟食。但係我哋覺得3至5成熟就已經好好味，啲肉超嫩滑😋另外附上牛扒醬、溫泉蛋、山椒鹽、咖喱汁丶蔥花蘿蔔蓉同堅魚汁比你點和牛食特選海產套餐，份量好多包括炸2份大炸鰻魚丶1隻大海蝦同埋2隻廣島蠔。炸鰻魚真係意想不到咁好味😍入口即溶，肉質肥美，完全冇骨😍😋大海蝦超大隻，啖啖肉，肉質爽實😋廣島號又係好大隻，炸皮又薄😋另外我哋叫左藍柑荔枝特飲同埋芒果奇異果特飲。兩杯特飲都好好飲