回憶客棧

營業中

休息中

無意中俾我發現咗呢間好隱蔽嘅串燒小店。店面有10多個位，簡約木系風格，櫃台後有個特色酒櫃，啱晒良朋知己黎小酌一番。朋友太肚餓關係，我地點咗2個招牌花甲粉絲同好幾樣串燒。招牌花甲粉絲 用錫紙包成山形上台，一打開好香濃嘅花甲香，花甲份量多，正常size但好鮮甜。粉絲吸晒啲湯同花甲鮮味，好好味！燒雞泡魚干🍺餐前送酒小食，必點之選。燒熱上台，軟冧好𡁻口。燒茄子🍆另一必點之選。差不多2隻手掌長嘅茄子，燒到外皮有微微脆口，簡單加上大量蒜蓉同孜然粉調味，十分惹味。燒鮑魚仔肉質彈牙爽口，無太多調味，保留咗本身嘅鮮味。牛油金菇錫紙包住上台，將金菇浸泡在牛油汁中，好入味。燒娃娃菜、翠肉瓜🥬好甜嘅新鮮蔬菜，翠肉瓜加咗調味粉燒，燒完一啲都唔乾身。串燒雞腎、牛舌、墨魚丸🍢雞腎好好咬口;厚切牛舌嫩口; 墨魚丸非常彈牙好味。串燒金菇肥牛卷、鰻魚 🐟 金菇好入味，牛肉燒到半脆口; 鰻魚串燒到微燶，有點炭燒味道 。餐牌上仲有好多海鮮選擇(如扇貝、花蟹、鱸魚等)，愛吃串燒、海鮮嘅朋友可以黎呢度試下。