築匠 (已結業)

日本美食對於香港人嚟講相信一啲都唔陌生，今次嚟到大角咀覓食，竟然嚟到一間日式刺身壽司小店！可能時候尚早嘅關係，平日夜晚只要Walk In就可以，而坐位亦尚算寬敞。對於日式刺身壽司嚟講，築匠可以話係性價比之選，食物質素亦絕對唔係爭鮮之流！魚生飯 － 三文魚、油甘魚、帆立貝魚生飯嚟講唔係特別出色，三文魚同帆立貝只能講係一般水平，反而油甘魚比較新鮮，脂肪比例亦唔錯！壽司 － 三文魚腩、炙燒三文魚腩、拖羅、海膽三文魚腩完全夠肥，有入口即溶感覺，而炙燒三文魚亦燒得啱啱好，唔會有過燶或者未燒夠嘅感覺。反而拖羅略嫌可以再肥啲，但以呢個價錢嚟講算相當超值！值得一提嘅係海膽壽司，加拿大海膽非常新鮮，而且入口亦唔會有任何苦味，味道亦好甜同埋幾Creamy串燒 － 雞軟骨、甜薯、牛舌串燒方面其實味道係相對出色，雞軟骨食落唔單只香口，而且亦唔會太咸同有油膩感，絕對值得一試。而甜薯同牛舌上碟時雖然有少少凍左，但味道依然不俗，牛舌亦十分淋同埋厚切！燒物 － 三文魚鮫最後我哋都點咗一個三文魚鮫，份量嚟講絕對夠大件，味道唔錯，亦唔會太乾太油！＊其實除咗食物質素，呢度嘅服務亦都係水準十分高，唔講會以為去咗日本！侍應哥哥