臻 (已結業)

呢日因為工作嘅關係嚟到香港大學附近， 做完嘢喺地鐵站附近周圍搵嘢食， 見到附近有間點心專門店， 就同同事去試下。金菇蟹肉炆伊麵( 炒粉麵套餐)呢碟伊麵都算幾大碟，仲有個例湯， 佢將伊麵先做炒底， 然後將金菇和蟹肉打個芡汁呢鋪面。金沙熊貓將個流心奶黃包造成好似熊貓嘅樣貌， 如果帶小朋友嚟可以氹小朋友開心， 咬開個包啲流心奶黃差點漏曬出嚟。杏香芋蓉鴨將芋角造成好似一隻鴨仔嘅樣貌， 芋角呢樣點心依家喺出面嘅酒樓都唔容易搵到， 可能係因為工序比較繁複嘅關係， 要將芋蓉包住豬肉餡嚟炸， 呢度嘅芋蓉味都幾香， 豬肉餡都幾入味。富貴金魚餃將蝦餃做到好似一條金魚咁嘅形狀， 蝦肉幾爽口彈牙。蒸飯套餐個套餐揀咗鮮菇雞肉蒸飯， 三款點心有燒賣，蝦餃和韭菜会餃，再配油菜，幾扺食。