影片
更多
2014-02-13
6304 瀏覽
成日都週圍揾韓食既我, 想試呢間好耐架啦~ 貪佢裝修得幾靚, 價錢同7080都差唔多, 地點又方便!一坐低... 地方真係有啲迫狹喎.. 另外因迫得太多張枱既關係, 抽氣筒都對唔準個爐, 我地嘗試移動吓張枱, 但又會迫到後面張枱.. 成晚我同隔離枱都撞咗幾次手掙... 伴碟相比起其他燒肉店, 佢少咗麻油同鹽呀.. 灰 <-其中一個重點嚟架嘛! ><泡菜 : 好差... 得個甜字, 冇酸冇辣冇蒜冇鹹.. 應係我食過最唔好食既泡菜.. 魚仔乾 : OK啦, 正常味道芽菜 : 夠麻油, 幾好洋蔥 : 個汁唔夠7080嗰個好食.. 7080嗰個有wasabi味, 不過呢個都可以, 無論如何, 牛肉加洋蔥無得輸! 五花腩 $98不過不失, 唔會太肥啲軟骨都唔算大舊, 可以食埋 雪花牛肉 $198果然一分錢一分貨~大小厚薄剛好, 滿口油香!只可惜佢冇鹽同麻油, 如果唔係就咁食片牛應該係最完美~ 燒汁雞脾肉串 (2條) $58預早醃好放咗落冰格直接攞出嚟既兩條冰條!好冇誠意呀... 係都解凍咗先呀... 邊有人咁落出嚟架.. 味道偏甜, 個汁都幾
貪佢裝修得幾靚, 價錢同7080都差唔多, 地點又方便!
一坐低... 地方真係有啲迫狹喎..
另外因迫得太多張枱既關係, 抽氣筒都對唔準個爐,
我地嘗試移動吓張枱, 但又會迫到後面張枱..
成晚我同隔離枱都撞咗幾次手掙...
伴碟相比起其他燒肉店, 佢少咗麻油同鹽呀.. 灰 <-其中一個重點嚟架嘛! ><
泡菜 : 好差... 得個甜字, 冇酸冇辣冇蒜冇鹹.. 應係我食過最唔好食既泡菜..
魚仔乾 : OK啦, 正常味道
芽菜 : 夠麻油, 幾好
洋蔥 : 個汁唔夠7080嗰個好食.. 7080嗰個有wasabi味,
不過呢個都可以, 無論如何, 牛肉加洋蔥無得輸!
五花腩 $98不過不失, 唔會太肥
啲軟骨都唔算大舊, 可以食埋
雪花牛肉 $198果然一分錢一分貨~
大小厚薄剛好, 滿口油香!
只可惜佢冇鹽同麻油,
如果唔係就咁食片牛應該係最完美~
燒汁雞脾肉串 (2條) $58
預早醃好放咗落冰格直接攞出嚟既兩條冰條!
好冇誠意呀... 係都解凍咗先呀... 邊有人咁落出嚟架..
味道偏甜, 個汁都幾濃味, 但就真係食唔到雞肉味囉.. 好差!
HITE 啤 $30講真, 一支咁細支既啤酒30蚊都真係唔平,
本身想叫埋支燒酒, 소맥(燒啤)先夠地道架嘛,
但燒酒成 $70一支, 兩個人又飲唔哂, 唯有放棄一次啦..
簡單講句, 就係我唔會再去lu..
除咗位置迫狹, 配料唔齊, 泡菜唔好食之餘, 佢既服務都幾差吓
雖然我地最後剩返兩串燒肉要燒, 但真係成個爐都已經黑哂,
問吓佢可唔可以換, 個侍應都話咗OK, 幫我地去換,
點知我地見佢攞住個新既爐出嚟, 就俾疑似"老闆"既人折住,
就係咁, 侍應冇再幫我地換, 朋友想燥佢底..
但簡單啦, 下次唔嚟咪得囉~
始終都係嗰句, 市場競爭咁大,
差唔多價錢, 質數, 裝修既實在太多啦,
所以服務好唔好真係好影響~~
唔去呢間咪去第二間囉~
張貼
