粗菜館

營業中

休息中

梅菜扣肉呢個梅菜扣肉唔可以話係肥而唔膩，而係一啲都唔會膩，係我食過最唔油膩嘅梅菜扣肉。而且可以見到湯嘅表面油都唔多，唔似好多梅菜扣肉燉到稀爛，一夾就散。呢間可以輕鬆夾起一整塊，肉燉到軟爛但仲保有筋骨，配埋香香嘅梅菜同埋醬汁，一口一口停唔到口！炒豬雜 好有鑊氣，炒得入味，內容好豐富！有豬心、豬肝、豬肚、粉腸、小腸，處理得都好好冇異味。豬心有啲脆，豬肝嫩嫩，豬肚完全嚼得爛！豬油撈飯 比之前食嘅豬油撈飯好十條街！話係豬油撈飯但係完全唔會覺得油哈哈，呢間嘅豬油好香好香，再加啲特製豉油，直接食飯都香到迷糊咗。蜆蚧炒牛肉 牛肉新鮮，鑊氣十足，蜆蚧炒得偏重味，醬香濃郁。微辣秘汁炒蜆 炒得微辣，秘製醬汁好入味。