十二味 (山市樓) (已結業)

話說我係超級超級鍾意食辣 但係香港地要食到好食嘅辣野真係要花啲功夫去搵 今日好好彩俾我哋誤打誤撞入到一間食乾鍋嘅川菜餐廳 簡直一試難忘 呢間餐廳係出名食乾鍋 所謂干鍋就係將所有你想食嘅食材 連埋曬啲辣椒花椒八角嗰啲炒埋一碟 好乾身咁上碟我哋兩條友 肚餓得滯見到個Menu所有想食嘅嘢都圈圈圈⭕️ 完全忘記咗叫咗幾多個餸 之後上到嚟一大盤 我哋初初仲心諗兩條友得呢一碗仔會唔會唔夠食先講下整體 師傅炒得好乾身 離遠就聞到嗰陣麻辣嘅香味 係咁以夾够蓮藕食 味道好食到簡直不可思議 可謂色香味俱全 先講下啲蝦 其實唔太新鮮 但係麻辣嘅味道完全蓋過晒所有嘅不足 如果你本着嚟食辣嘅初衷 咁就冇咩衝突 其實要食辣 腐皮真係不可或缺 腐皮索曬所有配料嘅香味 雖然食多兩舊會覺得有啲鹹 但一樣都係越食越想食 另外萵筍好爽 炒得啱啱好唔會過熟過林 最有驚喜嘅可以話係鵪鶉蛋 其實真係好少會喺街度見到有鵪鶉蛋食 呢度係用烚熟嘅鵪鶉蛋 再去左蛋殼之後炒埋一齊 個感覺好新奇 十級推薦