RuRu Tapas Restaurant (已結業)

一直都想食西班牙蛋餅，同事極力推介之下，放假專登過嚟試下。間餐廳梳化坐得舒服，全部嘢都即叫即整。芝士拼盤有三款芝士配脆口法包，麵包有橄欖油，要盡快食，芝士份量多，三款芝士有淡味同濃味。西班牙蛋餅鐘意食蛋嘅必點！！外表比一般蛋餅細，估唔到佢細細份，兩個人食完勁飽肚。嗰蛋餅放咗一陣凍咗，淨係食到個邊邊位香脆，少咗蛋香味。還好用料足，面頭鋪滿火腿，幾乎啖啖都有料，有薯仔辣肉腸，食咗好滿足。雜菌意粉呢道菜不過不失，菇嘅份量唔少，醬汁濃好creamy，味道正常偏淡。