十三少 (已結業)

【Background】老媽子無辣不歡，尤其係酸酸辣辣嘅重口味菜式。聽講元朗呢間「十三少」，為2021年新假期必吃食店大獎中嘅其中一間入圍餐廳，主打新派精品川菜，酸菜魚及水煮魚都係佢地嘅招牌菜，吸引左不少人流🙊 作為孝順仔女，緊係要帶佢黎大飽一頓啦🥳────────────────────【涼拌土豆絲】土豆切成絲狀，味道酸酸辣辣，開胃又惹味。入口涼浸浸的，咬落爽口，好適合作開胃菜😆.【十三少酸菜魚】招牌之一嘅酸菜魚，選用鮮鱸魚肉，更加左啤酒作為提鮮之用😎 片片魚肉滑溜溜，有口感之餘，嫩滑無比，再取自四川嘅老壇酸菜及潮汕酸菜為伴，酸辣度足但不過過份，兩者balance得好好，就咁食酸菜都好正，下飯亦係一流👍 仲有萵荀，菇片等，增添口感。而湯頭為選用左熬是兩小時嘅鱸魚骨湯，酸，辣，香集於一身，香不而膩.【川式口水雞】口水雞為冷盤，薄薄的雞皮底下係柔軟嫩滑嘅雞肉，肉厚不嚡，沾上辣油及辣醬，好惹味🥰.【紅糖糍粑】即叫即製嘅紅糖糍粑，記得預早10分鐘落命令😈 外層酥脆，入裡煙韌，蘸上紅糖汁，入口甜甜，食到停吾到口呀😂.【Remark】✔️ 加一服務費